RIBADEO (FNC) .- A Dirección General de Costas ven de adxudicar as obras de execución da enseada da Vilavella e a redacción do proxecto de recuperación da antiga ruta do tren mineiro entre Ribadeo e Trabada. O alcalde, Fernando Suárez, sinala que “son dúas moi boas obras para Ribadeo desde o punto de vista económico e tamén polo que van potenciar o turismo”.
A execución inmediata das obras da enseada da Vilavella foille adxudicada á empresa Alvac por casE dous millóns de euros, e Euroconsult será a firma que se encargue da redacción do proxecto da recuperación da antiga ruta do tren mineiro, entre Ribadeo e Trabada. O presuposto neste caso é de 101.000 euros.
Suárez Barcia dixo que “indo ao que vai ser a execución de obras inminente do que é a recuperación medio ambiental de toda unha zona costeira que empeza pola praia de Os Bloques, que segue pola enseada da Vilavella e que vai rematar na curva das Aceas coa recuperación dun muíño de mareas. O prazo de execución destas obras é de ano e medio. O primeiro que se fará serán traballos de mellora na praia de Os Bloques, vaise recuperar o antigo estaleiro da Vilavella que será reconvertido en hangares para remo, piragüismo… vanse restaurar as ramplas do varadoiro, vaise recuperar o edificio principal da fábrica da Vilavella, o que comunmente se denomina como fábrica de algas, e despois vaise construír unha senda peonil entre o borde litoral e a estrada nacional que vai a Lugo”. O rexedor seguiu a relatar que “se fará a un nivel intermedio entre a beira do mar e a estrada unha senda peonil duns tres quilómetros de lonxitude que irá dar ao que é o antigo muíño de mareas nas Aceas que tamén se recuperará con finalidade didáctica, educativa e turística. Esta inversión vai vir moi ben para recuperar toda esta zona esquecida que moita xente de Ribadeo non ten a capacidade de ver, porque está oculta e porque o acceso é dificultoso. E de cara ao turismo será un referente moi importante”.
O alcalde de Ribadeo tamén destacou a importancia da redacción do proxecto de recuperación da antiga ruta do tren mineiro. Fernando Suárez sinalou que “terán un ano para facer esa redacción e facer unha das obras de turismo máis importantes que se teñan feito nunca en Ribadeo. Posibilitará conectar Ribadeo e Trabada, recuperar outra vez a ruta do tren mineiro que se inaugurou no 1902 e que estivo en funcionamento ata os anos 60 e que agora se pretende converter en senda verde para que a xente poida ir andando desde Ribadeo ata A Pontenova sen cruzar pola estrada, indo por lugares paradisíacos, vendo a ría de Ribadeo ata que cambia e segue o curso do río Eo arriba. E desde logo vai ser unha fonte de riqueza importante porque traerá moito turismo a esta comarca”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
