FOZ / XOVE (MFO) .- Os dous clubs mariñáns seguen sen romper a súa mala racha e xa son colistas da liga Primeira Nacional. O Celtas perdeu por 66 puntos a 87 contra o Recimil de Ferrol e o Xove por 73 a 56 contra o Norinver Ferrol C. B.
O Celtas-Primera Calidad veuse superado polo poderío físico dos ferroláns e pola súa maior rotación de banquiño xa que o adestrador focense so puido contar con oito dos seus xogadores. O partido comezou ben para os de Foz e dende os primeiros minutos foi mandando no marcador. Co paso dos minutos o choque foise equilibrando e no descanso so un punto separaba aos dous equipos ( 39-38 ). No terceiro cuarto a vantaxe física comezou a facerse evidente con un parcial de 15 puntos a 25. O último período comezou con cinco triples dos ferroláns, obstáculo xa insalvable para o Celtas.
Polo Celtas-Primera Calidad xogaron: Aaron(6), Eduardo(2), Miguel(9), Sama(24), Brais(9), Adrián(3), Manolo(14) e Manuel.
O C. B. Xove non puido romper a súa racha negativa contra o Norinver Ferrol C. B. e con esta xa suma sete derrotas consecutivas. Os xovenses comezaron o partido con un pésimo primeiro cuarto no que so anotaron 6 puntos por 25 dos ferroláns. Nos seguintes dez minutos o equipo reaccionou con unha boa defensa marchándose ao descanso once puntos abaixo ( 35-24 ). O terceiro cuarto foi fatal para o Xove, no que recibiu outro parcial de 28 a 6, e o Norinver deixaba practicamente o partido sentenciado. Nos últimos minutos os da Mariña melloraron o seu xogo pero non foi suficiente para alcanzar aos de Ferrol.
Polo C. B. Xove xogaron: Javi(2), Álvaro(1), Juanma(1), Juan María(5), Victor(5), Andres(22), Angel(9), Fernando(10) e José David(1)
Derrota do Celtas-Primera Calidad en Foz e do C. B. Xove en Ferrol
Relacionado
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
