CERVO .- O alcalde de Cervo, Alfonso Villares, dixo sentirse defraudado tras comprobar que nos orzamentos provinciais do presente ano 2010 a Deputación de Lugo non consigna nin un só euro á compra dos terreos anexos ao Museo do Mar, necesarios para garantir a súa ampliación.
Para o alcalde, a suposta implicación dos actuais responsables provinciais queda en evidencia con estes feitos, e cominounos a materializar un acordo do Pleno de Cervo no que os tres grupos municipais solicitaban por unanimidade que a Deputación asumira os custos do proceso de ampliación do Museo do Mar, algo ao que se comprometeu o devandito organismo provincial.
O rexedor cervense lembrou que os propietarios do terreo anexo ao Museo do Mar solicitaron no Concello a redacción dun estudio de detalle da mazá onde se atopa o museo có obxecto de construír nela un edificio de vivendas, unha vez que en marzo de 2008 rematara a suspensión de licencias nesta área. “Por iso -indicou o alcalde- dende o Concello de Cervo esixímoslles aos responsables provinciais que materialicen canto antes o compromiso asumido polo anterior goberno da Deputación e que foi promovido hai tres anos a instancias dun acordo municipal adoptado por unanimidade da corporación cervense e que consistía en que a Deputación adquirira estes terreos para adicalos á ampliación do museo e garantir así o desenvolvemento harmónico do urbanismo en San Ciprián, pero cada día que pasan sen asumir a súa responsabilidade fai que se complique a posibilidade de lograr destinar estes terreos a ese obxectivo” recoñeceu.
Segundo Villares, a pesares de todos os intentos do Concello para evitar chegar a esta situación, a día de hoxe non existe tal compromiso económico da Deputación “e agora no Concello atopámonos coa solicitude dun particular para retomar a redacción do Estudio de Detalle nesta parcela có obxecto de construír nela un edificio de vivendas sen que podamos facer máis nada que cursala como é preceptivo, ao ser este un acto regrado” lembrou.
Para o primeiro edil de Cervo esta actitude “de palabrería baleira de contido e de feitos” da Deputación demostra “a nula vontade” en solucionar o tema. “Dubido moito que os veciños de Cervo, e de San Ciprián en particular, podan entender cales son as razóns polas cales estes señores non formalizan dunha vez por todas o compromiso de compra dos terreos para adicalos á ampliación e á posta en valor dunha institución creada polo pobo de San Ciprián que forma parte do patrimonio non só de Cervo, se non tamén de tódalas xentes do mar da provincia de Lugo” asegurou o alcalde.
“O único que queremos é que neste tema os membros dos grupos que sustentan o Goberno da Deputación se deixen de cinismos e dobres discursos e se adiquen a traballar en favor dos veciños de Cervo e de San Ciprián para solucionar dunha vez por todas este tema” recalcou o rexedor cervense.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
