CERVO .- Os traballadores encargados en levar adiante o programa “Ao Teu Carón” 2010, promovido dende a concellería de Asuntos Sociais do Concello de Cervo que dirixe Pilar Armada, teñen previsto realizar unha serie de xuntanzas o vindeiro luns, 11 de xaneiro nos distintos núcleos de poboación do termo municipal co obxecto de coordinar os horarios de dito programa e tamén recabar as inquedanzas e suxestións que queiran facer os veciños interesados nesta iniciativa.
O Concello de Cervo, iniciou no ano 2008 o programa “Ao Teu Carón” co ánimo de achegar os servizos aos seus veciños e dotar de actividades lúdico-formativas a todos os seus habitantes, facendo fincapé na zona rural. Neste tempo lévanse desenvolvido obradoiros, torneos de parchís e tute; así coma outras iniciativas coma o servizo de biblioteca itinerante na zona rural.
Segundo indicou Pilar Armada, nas xuntanzas do luns aproveitarase para concretar cales poden ser os horarios máis axeitados para desenvolver os campionatos de tute e parchís deste ano, así como as datas da celebración dos talleres de memoria nas respectivas parroquias. “Tamén queremos que a xente que asista aporte ideas e nos diga que tipo de actividades lles interesa a maiores destas para ver de poder programalas” sinalou a edil de Asuntos Sociais cervense.
Os horarios e lugares das devanditas reunións serán:
* 16,00 horas: Local Social da Venta
* 16,30 horas: Local Social de Castelo
* 17,00 horas: Local Social de Trasbar
* 17.30 horas: Local Social de San Román
* 18,00 horas. Local Social de Rúa
* 18,30 horas: Local Social de Cervo (Ecomuseo)
* 19,00 horas: Casa da Cultura de San Cibrao
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
