NOTA DE PRENSA
O Bloque Nacionalista Galego considera de importancia transcendental polo impacto que vai ter na Costa de Lugo o Plano de Ordenación de Litoral que aprobou o Consello da Xunta e que está a remitir ao conxunto dos Concellos da Comarca para que proceda a efectuar as alegacións que consideren oportunas. Segundo afirmou Veiga “ a importancia deste documento provén polo número de Concellos aos que afecta, a todos os costeiros, máis aos do Valadouro e a Trabada, pola cantidade de solo que ordena, o 2,59% do total da provincia que representa 24.815 hectáreas ou o que é equivalente a extensión de 24.455 campos de futebol”.
Os nacionalistas consideramos que o PP falta a verdade cando afirma que este Plano non clasifica solo, abonda con votarlle unha ollada á normativa do POL e concretamente aos seus artigos,34, 35 e 36 nos que establece taxativamente a imposibilidade de calquera uso residencial, isto é edificar, no que se define como áreas de protección e das áreas de mellora ambiental. O Responsábel Comarcal do BNG anunciou “que 9522 hectáreas de solo na Mariña quedan invalidadas para o uso residencial ou o que é mesmo que nesa enorme bolsa de bolso non se vai poder edificar. Neste caso como noutros a verdade só ten un camiño e a prohibición de edificar establéceno de xeito claro os art. 34,35 e 36 do POL”
A maiores os nacionalistas indicaron que estas 9522 hectáreas correspondese con importantes bolsas de solo urbanizábel que na Comarca da Mariña representa unha porcentaxe de 6070 hectáreas de solo urbanizábel cuxo desenvolvemento urbanístico fica hipotecado. O Portavoz do BNG denunciou “que a prohibición dos usos residenciais en solo urbanizábel se realiza sen atender a ningún criterio, é máis faise desde unha perspectiva absolutamente discrecional sen atender ao carácter regrado que debe ter a clasificación do solo. Non é explicábel que no Concello de Foz se prohiba edificar en 117 hectáreas de solo urbanizábel e no Concello de Viveiro a limitación no urbanizábel se limita a 4,62 hectáreas ou que no Concello de Cervo se prohiba edificar en 120 hectáreas de solo urbanizábel e no Concello de Xove a limitación no urbanizábel limitase a 0,39 hectáreas.” Segundo Veiga unha análise detallada do POL permite comprobar que o tratamento desigual que lle dan a realidades urbanísticas homologábeis até o punto de que “Non hai lugar a dúbida que este documento establece un urbanismo a carta en función do cliente, polo que sería bo que o PP nos dixese se avala estas prohibicións nos diferentes Concellos da Mariña”.
Veiga criticou a dobre linguaxe que utiliza o PP na oposición e no goberno, e máis concretamente en relación coa coñecida coa lei dos 500 metros. “Non deixa de ser curioso que o PP levase adiante toda unha campaña de insidias afirmando que o bipartito pretendía prohibir a edificación por baixo da franxa dos 500 metros, algo que era absolutamente falso, e agora sexan eles xa non só os que prohiben construír na mesma senón que elevan a prohibición máis arriba dos 500 metros como por exemplo en Barreiros que fixan 972 hectáreas por riba dos 500 metros, ou en Foz que a sitúan en 568 hectáreas por riba ou en Foz que a fixan en 47 hectáreas”, afirmou o Portavoz Nacionalista.
O Bloque Nacionalista Galego criticou que este Plano vai aumentar a inseguridade xurídica no conxunto dos Concellos da Mariña e vai paralizar todo o proceso de tramitación do Planeamento que se está a levar adiante. A este respecto Veiga fixo referencia ao art.3 do POL no que se fai referencia a que só se permite edificar no solo urbano consolidado e no de núcleo rural até que non se adapten planeamento local ao POL “cando foi precisamente o feito de que se descoñeza en todos os Concellos da Mariña, agás en Vicedo, cal é o urbano consolidado e o solo de núcleo o que xerou o conxunto dos litixios urbanísticos na Comarca da Mariña” explicou Veiga quen criticou que esta Plano implica a paralización dos planeamentos en tramitación “ A normativa do POL tamén neste aspecto é clara, o conxunto dos PXOM teñen que adaptarse ao POL, polo que o traballo iniciado en moitos Concellos vai haber que modifica-lo de arriba abaixo” rematou Veiga.
Xa por último os nacionalistas consideran necesario diante da aprobación dun instrumento de ordenación territorial fundamental para un Concello costeiro como é o POL necesidade de vontade política que pase por entender a elaboración do planeamento como un proxecto colectivo que garanta a participación dos particulares, que entenda o urbanismo como unha disciplina de carácter transversal que afecta ao conxunto das esferas locais e de xeito moi particular á calidade de vida, que sitúe o público e a defensa do interese xeral como principio rector da política, que desenvolva a ordenación do territorio facendo efectivo o reparto de cargas e beneficios, que non clasifica solo atendendo a criterios de mercado ou do parcelario senón en función do interese xeral e que dea resposta aos problemas centrais dos administrados.
Neste sentido desde o BNG solicitaron que os Concellos poñan en marcha comisión de estudio deste documento de ordenación territorial, a fín de que as propostas dos Concellos permitan modificar, o documento e tamén para dar participación aos veciños que deben de ser informados en que medida lles afecta. “Agardamos do PP, e particularmente dos seus cargos locais, altura de miras suficiente e disposición a antepoñer os intereses dos veciños aos dos seus compañeiros do Goberno Galego. Aquí o que está en xogo é favorecer o desenvolvemento da Mariña ou a súa hipoteca definitiva. É necesario logo un posicionamento claro que modifique o actual deseño do POL, no que A Mariña xoga o papel periférico, fronte a outras áreas de Galiza. Non pode haber un trato para a costa que vai de Ribadeo a Corcubión e outro tratamento para o tramo de costa que vai de Corcubión a Tui” sentenciou Veiga.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
