BURELA (FNC) .-. O Concello pedirá a través dunha moción, que irá ao pleno do xoves, a retirada o Plan de Ordenación de Litoral polas consecuencias negativas que ten para Galicia e particularmente para Burela.
A tenente de alcalde, Neves Cando, explicou que “este plan da Xunta afecta a máis do 7% da superficie total galega e na provincia de Lugo a 10 concellos, entre eles o de Burela. Esta proposta procede a ordenar á Galicia costeira sen atender ao modo peculiar no que os galegos e as galegas nos asentamos no litoral e especialmente naquelas zonas que non son de costa aberta, o que representa a maioría da costa galega, e fixa modalidades de asentamento que non se axustan á nosa realidade e tamén prohibe usos residencias e deixa fora de ordenación vivendas en áreas de territorio nas que nos instalamos desde hai centos de anos”.
A edil nacionalista engadiu que “as previsións da Consellería de ter aprobado este documento antes de finais de ano e de proceder á súa aprobación inicial ao longo do mes de maio indican a ausencia de vontade por parte da Xunta de Galicia de introducir modificacións substantivas que impidan a hipoteca dos nosos concellos”.
Cando subliñou que “Burela é un concello cunhas peculiaridades específicas, porque vese afectado por FEVE, por Costas, pola variante e polo futuro corredor da costa e agora con este POL vese hipotecada definitivamente para o seu desenvolvemento urbanístico, porque máis de 100 hectáreas van ter prohibidas todo tipo de construción residenciais. En zonas como A Marosa prohíbese a instalación de equipamentos deportivos pechados, co cal todos os terreos adquiridos alí polo Concello non poderán ser utilizados para un futuro complexo deportivo e tamén en Foxo, onde non se poderá construír ningún tipo de vivenda, como si se podería facer co plan sectorial do anterior goberno galego”.
A tenente de alcalde lembrou que “das aproximadamente 800 hectáreas que ten o noso concello este POL afecta en Burela a máis de 700 e desas 700 máis de 400 hectáreas sitúanse por enriba da franxa dos 500 metros, é dicir que agora a Xunta do PP incrementa de por vida esta afectación moi por enriba do estipulado polo anterior goberno que era de carácter provisional ata que se aprobaran os plans xerais nos Concellos”.
Neves Cando manifestou que “diante de todo isto o PP de Burela cala, nada dixo e nada di deste POL e de como afecta a Burela. Este xoves no pleno terá que pronunciarse e terá que explicarlles aos veciños e veciñas de Burela como zonas actuais do noso pobo en expansión urbanística como A Marosa, Vilar, Foxo ou Perdouro quedan hipotecadas urbanisticamente de maneira definitiva”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
