NOTA DE PRENSA
Así o confirmou o director xeral de Industria Enerxía e Minas da Xunta de Galicia, en respostas a preguntas do deputado popular Jose Manuel Balseiro no transcurso da Comisión 6ª do Parlamento de Galicia celebrada no día de hoxe
O GOBERNO CENTRAL BLOQUEA O DESPREGAMENTO DA REDE DE GAS NATURAL NA MARIÑA LUCENSE
* O Executivo socialista debera ter adxudicado no 2008 a construción do gasoduto da Mariña, a través do que se subministraría esta enerxía aos fogares e empresas da nosa comarca.
* A Xunta comprométese a impulsar plantas gasistas secundarias, como a prevista para o subministro da multinacional Alcoa, co obxecto de evitar que o incumprimento do Goberno central prexudique aínda máis o despregamento desta nova rede de enerxía.
Santiago, 12 de marzo de 2010.- O Goberno central bloquea o despregamento da rede de gas natural na Mariña lucense. Así o explicou no día de hoxe o director xeral de Industria, Enerxía e Minas da Xunta de Galicia, Bernardo Tahoces, en resposta a unha iniciativa parlamentaria promovida por Jose Manuel Balseiro Orol. O alto cargo da Consellería de Economía e Industria confirmou que malia que o Executivo socialista debera ter adxudicado no ano 2008 a construción do gasoduto da Mariña, a través do que se subministraría esta enerxía aos fogares e empresas da nosa comarca, esto non se ten feito.
Na súa comparecencia na Comisión 6ª, de Industria, do Parlamento de Galicia Bernardo Tahoces confirmou que ao longo dos últimos anos tiveron lugar múltiples encontros entre responsables da Xunta de Galicia e o Goberno central co obxecto de buscar as fórmulas para axilizar o despregamento deste nova rede gasista pero, pese aos compromisos adquiridos formalmente pola administración central, non cumpriron os prazos establecidos: Nin adxudicaron o gasoduto de Guitiriz antes de rematar o 2009, nin unha vez incumprida a data inicial, removeron os obstáculos que dificultan a adxudicación definitiva da rede de distribución de gas na Mariña lucense.
INFRAESTRUCTURA ESTRATÉXICA
Na súa resposta á iniciativa que defendeu Balseiro Orol, a Xunta insiste en atribuír un carácter estratéxico a rede de distribución de gas natural na Mariña lucense. Xa non só polas vantaxes que para o consumo nos fogares implica este novo combustible, máis seguro, menos contaminante e máis útil de distribuír, senón tamén e, sobre todo, porque podería ser empregado pola principal empresa industrial de Galicia, Alcoa, reduncindo así o gasto de xeración de enerxía e as emisións de CO2 á atmosfera, algo obrigado pola lexislación actual. Supón polo tanto –subliñan desde o PPdeG- unha infraestrutura básica e moi útil para a permanencia e continuidade do proxecto industrial da multinacional do aluminio.
RESTRICIÓNS ORZAMENTARIAS
O Goberno galego atribúe ás restriccións orzamentarias que desenvolve o Exeuctivo central en algúns dos Ministerios este bloqueo á posta en marcha do gasoduto da Mariña. Parece evidente, cando se trata de recortar gastos, os socialistas empezan por prexudicar a Galicia e moi especialmente á comarca mariñá. O director xeral de Industria afirmou tamén que son tres as empresas interesadas en facerse cargo da posta en marcha e xestión do gasoduto e que precisamente esta concorrencia de ofertas serve de escusa ao Goberno central para non levar adiante esta actuación e iniciar os traballos de construción da rede. Neste caso, tan só falamos dunha xustificación inventada por parte dos socialistas xa que a lei establece taxativamente que cando se trata dun gasoduto destas características (de grande importancia estratéxica e elevada presión) debe ser desenvolto con urxencia pola empresa ENAGAS.
A XUNTA TOMA A INICIATIVA
Á luz do explicado e evidenciado o incumprimento o Grupo Popular non descarta promover novas medidas de presión dirixidas ao Goberno central para que cumpra coa súa obriga de poñer en marcha o gasoduto da Mariña. En todo caso, a Xunta de Galicia xa adiantou, da voz do seu director xeral de Industria, Enerxía e Minas, que desenvolverá todas as plantas e infraestruturas gasistas secundarias, como e a prevista para o subministro da multinacional Alcoa, co obxecto de evitar que o incumprimento do Goberno central prexudique aínda máis o despregamento desta nova rede de enerxía na Mariña.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
