O Celtas-Primera Calidad 93 C. B Noia 87. (fotos: Miguel Fraga)
FOZ / XOVE (MFO) .- O Celtas de Foz por fin puido celebrar, e ante a súa afección, a ansiada segunda vitoria da tempada tras gañarlle ao C. B Noia, terceiro da táboa, por 93 puntos a 87. Pola súa banda o Xove non puido manter a racha de vitorias e caeu no derbi provincial ante o C. B. Sarria, por un contundente 64 a 87.
O Celtas-Primera Calidad logrou por fin a segunda vitoria ante o Noia, que visitaba Marzán como terceiro clasificado. O gran acerto anotador foi a clave da vitoria, pois os 93 puntos anotados son a mellor marca da tempada para os de Foz.
O partido comezou cunha tremenda igualdade pero un pequeno baixón dos locais no final do segundo cuarto deulle unha renda de sete puntos ao Noia no descanso. Na segunda metade a diferenza foise ata os dez puntos, pero a coraxe do Celtas levouno a remontar o resultado para que se decidira o partido nos minutos finais.
Neste momento foi cando a porcentaxe en triplas e tiros libres dos focenses foi espectacular logrando así a vitoria por 6 puntos de diferenza. Cabe destacar a impresionante actuación do numeroso público de Foz que non deixou de animar aos seus en ningún momento.
Polo Celtas-Primera Calidad xogaron: Miguel (9), Manuel (3), Sama (26), Angel (5), Manolo (13) – Lucas (18), Humberto (19), e Adrián.
Xove 64 – Sarria 87
O C. B. Xove non puido manter a racha de tres vitorias consecutivas, debido en parte as numerosas baixas, e caeu na casa ante o C. B. Sarria. O partido non foi nada cómodo para o Xove que non logrou facer a boa defensa que viña practicando en partidos anteriores. A diferenza no descanso xa era de 15 puntos e as expulsións de Alcalde, Juan María e Fernando impediron a posible remontada. O marcador final (64 – 87) reflexa a clara vitoria dos de Sarria.
Polo C. B. Xove xogaron: Aitor (13), Andrés (13), Juan María (11), Fernando (4), Alcalde (4) – Álvaro (2), Ángel (12), José David (5), Javi e Borja.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
