RIBADEO (FNC) .- A Concellaría da Muller organiza de novo neste 2010 os Domingos a pé, unha iniciativa que deu comezo o ano pasado e que diante da súa boa acollida e da demanda se volta a poñer en marcha agora os días 6 e 27 de xuño.
Segundo explica a edil nacionalista, Mariluz Álvarez Lastra, “na primavera como unha alternativa de ocio queremos por en marcha este programa cunha dobre pretensión, por unha banda, posibilitar un tempo propio, un tempo de descanso e de ocio nas tardes dos domingos e por outra banda, aproveitar ese tempo para difundir e promover entre as mulleres o coñecemento da natureza e do patrimonio cultural e arquitectónico. Coñecer o patrimonio natural e cultural do entorno é fundamental para poder valorizar o noso, é dicir o patrimonio da comarca, do noso entorno, onde desenvolvemos as nosas vidas”.
Os Domingos a pé terán lugar o 6 e o 27 de maio. A primeira ruta que percorrerán as participantes será a do río Ouro e a segunda discorrerá entre Reinante e Os Castros. Ditas rutas faranse en colaboración coa asociación de sendeirismo Pena Talla e coa agrupación cultural Paco Lanza.
As interesadas poden anotarse chamando ao CIM ao telefono 982 120 739 ou enviando un e-mail a cim@ribadeo.org
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
