BURELA (FNC) .- Inauguraron na Casa da Cultura de Burela a exposición dos traballos realizados ao longo de todo o ano nos talleres organizados polo CIM. A edil de Cultura, Neves Cando, suliña que “neses obradoiros participaron máis de 200 mulleres do noso concello. Trátase de expoñer os traballos feitos ao longo do ano nos talleres de manualidades, bordado e bolillos. Na sala de arte do primeiro piso e tamén na da planta baixa, este ano habilitamos estes dous espazos pola grande cantidade de traballos que tiñamos, poderemos admirar os mobles, cadros e traballos de manualidades en xeral, así como os labores de bordado e bolillos feitos polas nosas mulleres”.
A concelleira nacionalista lembra que “estes talleres arrincaron no mes de outubro e remataron en maio e agora toca expoñer o producto dos obradoiros e poderemos apreciar verdadeiras obras de arte, desde traxes de bautizo, mantelerías, toallas, abanicos e puntillas ata mobles e artículos de decoración”. Cando convida “a todo o mundo a visitar esta exposición e a admirar estes traballos”.
O horario de visita é de 11 a 13 horas pola mañá e de 18 a 20 horas pola tarde de luns a venres. O sábado só estará aberta pola tarde. A exposición estará aberta na Casa da Cultura de Burela ata a primeira semana de xullo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
