Nota de Prensa
A XUNTA MIRA CARA OUTRO LADO MENTRES SE PERDEN EMPREGOS NO GRUPO CERÁMICAS DE SARGADELOS
Os nacionalistas pregúntanse que foi do acordo plenario de maio de 2009 que avalaba ao goberno local para mediar con outras administracións para evitar a perda de emprego e apoiar a viabilidade da empresa.
Balseiro comprometeuse dobremente, tamén para facer xestións diante da Xunta a fin de evitar a perda dun só posto de traballo
A extinción de contratos anunciada debería xustificarse con claridade polos graves efectos que terá sobre moitas familias cervenses
Cervo, 7 de xullo de 2010. Diante das novas aparecidas nos medios de comunicación sobre a intención da empresa Cerámica de Sargadelos de prescindir de 34 postos de traballo do cadro de persoal da planta situada en Sargadelos, o BNG preguntouse que foi do acordo plenario de maio de 2009 no que o goberno local adquiría a obriga de mediar diante doutras administracións, especialmente a Xunta de Galiza con maiores competencias e capacidade para evitar a perda de empregos e apoiar a viabilidade da empresa. Os nacionalistas consideraron moi preocupante que na Cerámica de Sargadelos poidan perderse o 40% dos empregos, en boa parte especializado e desempeñado por mulleres, que son as que mais están a sufrir os efectos da crise económica.
A perda do 40% pos postos de traballo de Sargadelos sería un duro golpe para moitas familias cervenses
Os nacionalistas cervenses cualificaron de “moi grave e preocupante” a nova publicada nos medios de comunicación na que a dirección do grupo de Cerámicas Sargadelos, S.L. anunciou a posibilidade de prescindir de 34 persoas do seu cadro de persoal nas instalacións de Cervo e a perda do 40% dos 121 empregos, unha boa parte deles correspondentes a emprego feminino especializado que suporía un durísimo golpe para moitas familias cervenses. Para o BNG “debería explicarse e xustificarse con claridade a necesidade desta extinción de contratos despois de dous EREs encadeados, o último aínda sen rematar, nos que existía o compromiso de non prescindir de persoal e estaban suxeitos a un plan de viabilidade que debería permitir o remonte económico da empresa.”
O goberno local adquiriu en sesión plenaria o compromiso de mediar diante doutras administracións para evitar a perda de postos de traballo e apoiar a viabilidade da empresa.
O BNG lembrou que o pleno do 13 de maio de 2009 debateu unha moción nacionalista que instaba á Xunta de Galiza traballar coa dirección da empresa e representantes do cadro de persoal para garantir os postos de traballo e a viabilidade da empresa, un acordo que foi emendado polo PP no sentido de que sería o propio goberno local quen mediaría con outras administracións para o mesmo fin. “Os nacionalistas descoñecen cales foron as xestións do goberno local neste asunto, en calquera caso diante das malas novas agora coñecidas as xestións non foron moi frutíferas”.
Balseiro tiña un dobre compromiso, un como membro do goberno de Cervo e outro persoal que asumiu publicamente para facer xestións coa Xunta a fin de evitar a perda de emprego en Sargadelos.
Os nacionalistas tamén chamaron a atención sobre o dobre compromiso do Tte. Alcalde cervense e paralamentar, José Manuel Balseiro, neste sentido lembraron que o Sr. Balseiro comprometeuse publicamente a facer xestións diante da Xunta de Galiza para evitar calquera perda de emprego en Sargadelos, “que tampouco coñecemos nin vemos resultados”. O BNG criticou con dureza o “falar por falar do Sr. Balseiro que aínda non demostrou xestión algunha e ao igual que a Xunta e o goberno local semellan estar de brazos cruzados mentres Sargadelos se desangra”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
