Comezan as xornadas de exaltación do bonito no hotel Vila do Val

Nova cita gastronómica no hotel Vila do Val. Desde hoxe venres 23 de xullo ao 15 de agosto o protagonista será o bonito. Os amantes do príncipe azul poderán degustalo á prancha, con pisto, en rolo ou en caldereta mariñeira con patacas. A directora do hotel, María Hermida, explica que “non queriamos deixar pasar a tempada do bonito, que capturan sobre todo os barcos de Burela, para organizar unhas xornadas gastronómicas deste exquisito produto, a estrela do verán na zona”.