SANTIAGO .- O alcalde de Alfoz, Emilio Lousas Muiña, acompañado da parlamentaria Emma Álvarez Chao, reuníronse co director xeral de Desenvolvemento e o subdirector xeral de Infraestruturas Consellería de Medio Rural para recabar información do estado da concentración parcelaria Val de Alfoz.
NOTA DE PRENSA
Mantiveron hoxe unha reunión co Director Xeral de Desenvolvemento Rural e o Subdirector Xeral de Infraestruturas na que se comprometeron a impulsar o desenvolvemento de dita concentración parcelaria.
O ALCALDE DE ALFOZ E A DEPUTADA DO PPDEG EMMA ALVAREZ INTERÉSANSE POLO ESTADO DA CONCENTRACIÓN PARCELARIA VAL DE ALFOZ
* Acadaron o compromiso da Xunta de ofrecer solución á situación plantexada sobre o estado das vías provinciais.
Santiago de Compostela, 15 de xullo de 2010.- O alcalde de Alfoz Emilio Lousas Muiña xunto coa deputada do PPdeG Emma Álvarez Chao interesáronse hoxe polo estado da concentración parcelaria Val de Alfoz. Con este obxecto mantiveron unha reunión co Director Xeral de Desenvolvemento e o Subdirector Xeral de Infraestruturas Consellería de Medio Rural.
Entre as cuestións tratadas nesta xuntanza, subliñouse o mal estado no que se atopaban as principais vías de comunicación. No proxecto de apertura de pistas da concentración parcelaria e de común acordo coa Deputación Provincial modificáronse as vías provinciais incluso realizando trazados alternativos e ampliando o ancho das mesmas. A día de hoxe, o estado das vías, que son estradas principais de aceso e comunicación entre as distintas parroquias, presentan importantes deficiencias a consecuencia de que se atopan en zahorra e consecuentemente son máis vulnerables ás inclemencias climatolóxicas.
O señor Alcalde e a deputada abordaron a situación destas estradas, e tendo en conta as deficiencias que presentan, quixeron buscar unha solución de común acordo que axilice á maior brevidade posible o arranxo desta situación que provoca malestar nos veciños, e como non podía ser doutro xeito, tamén na persoa do Sr. Alcalde.
Por parte do Director Xeral comprometéronse en axilizar este proceso levando a cabo cantas medidas e acordos sexan necesarios para este fin. Por elo móstranse “satisfeitos do compromiso da Xunta de Galicia coa axilización deste proceso”
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
