Nota de Prensa
O BURELA FSF DEFENDERÁ A COPA GALICIA ANTE O VALDETIRES E A FERVENZA
O Burela FSF Pescados Rubén xa coñece os seus primeiros rivais da XX Copa Galicia. As pupilas de Javier Pardeiro defenderán o título galego ante o Valdetires e A Fervenza, da División de Prata, na fase previa, que se disputará a partir do 15 de agosto.
Un total de nove equipos participarán na vixésima edición da Copa. Como vixente campioa, a escuadra laranxa encabeza o Grupo A. O B estará composto polo Ponte Ourense, Poio FS e CIOS Vigo e o C polo Cidade das Burgas FS, Leis Pontevedra e Viaxes Amarelle.
O sistema de liga será a unha volta e clasificaranse para a fase final, con data e sede aínda por determinar, os campións de cada grupo e o mellor segundo. Ao Burela FSF tocaralle estrearse como visitante ante A Fervenza, na primeira xornada, e recibirá o Valdetires en Vista Alegre, na terceira.
O 13 de setembro de 2009, o Burela FSF escribiu un dos capítulos máis importantes da súa historia impoñéndose na final da XIX Copa Galicia (Ourense) ao Cidade das Burgas (3-4), despois de vencer en semifinais ao Ponte Ourense por un contundente 0-6. O cadro de Javier Pardeiro chegará á Copa defendendo o título fronte ao renovado Ponte Ourense, que ostenta o cartel de gran favorito despois dos reforzos de verán para 2010-11.
N
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
