Nota de Prensa
O BNG MANTÉN A SÚA POSTURA CONTRA A PRIVATIZACIÓN DOS PARQUES DE BOMBEIROS COMARCAIS
No pleno do consorcio que se celebrará mañá luns está previsto aprobar a modificación dos estatutos e os pregos para a xestión dos 6 parques integrados, ata agora, na rede comarcal
O BNG manterá a súa postura contraria a privatizar directamente estes servizos defendendo unha xestión que garanta o caracter público do servizo tal e como se manifestara na anterior xuntanza do consorcio
Lugo, 26 de setembro de 2010. Trala convocatoria de celebración do Pleno do Consorcio Provincial de Bombeiros, o grupo provincial do BNG a través do seu representante neste Consorcio anunciou, que o BNG manterá a postura manifestada na anterior xuntanza do Pleno, celebrada no mes de xuño, contraria a unha privatización directa deste servizo. Antón Bao, vicepresidente da Deputación e representante do BNG neste organismo sinalou que “como dende o comenzo deste proceso mantemos a mesma postura, contraria á privatización, e defendemos un sistema de xestión público que integre ás diferentes institucións implicadas, Xunta de Galiza, Deputación de Lugo e Concellos, nun sistema de empresa pública ”.
Bao dixo tamén que “o BNG non vai a ser participe da privatización, mercantilización e desmantelamento de todo tipo de servizos públicos que está a levar a cabo da Xunta de Galiza do PP”. Antón Bao expresou que desde o BNG “consideramos importante a apertura, o máis axiña posíbel dos parques, comarcais de bombeiros, pero esto non entra en contradición coa posta en marcha do modelo que sempre defendemos”.
Para a xuntanza do Pleno do Consorcio Provincial de Bombeiros, que se celebrará mañá luns ás 10:15 na Deputación de Lugo, está previsto que se aprobe a liquidación do Orzamento de 2009, a modificación dos Estatutos, os pregos para a xestión dos 4 parques de nova construción (Viveiro, Vilalba, Chantada e Sarria) máis os de Barreiros e Monforte, así como a adquisición de novo material para o equipamento dos mesmos.
Segundo o BNG a modificación dos estatutos e a aprobación dos pregos para a xestión dos parques materializarán un cambio de filosofía neste proxecto de parques de bombeiros para Lugo, un cambio que responde unicamente aos intereses da nova Xunta de Galiza, que impuxo a modificación dos anteriores estatutos do Consorcio. Os estatutos que agora se modificarán xa foran asinados polo bipartito da Xunta e camiñaban nunha dirección totalmente contraria, é dicir, na defensa dun servizo público contra incendios e salvamento, un modelo que velaba pola salvagarda da cidadanía e non polos intereses do beneficio empresarial.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
