Nota de prensa:
Ladrillos e coches non se comen: por un compromiso co noso agro
3 de setembro de 2010. A política de dumping practicada por algunhas empresas leiteiras está a convertir o agro galego nun ermo. Esta estratexia vese favorecida pola falla de compromiso institucional para defender o sector agrogandeiro, nomeadamente o leiteiro. Tras promover activamente a intensivización durante anos, facilitar a concentración do mercado nunhas poucas mans, e facer ouvidos xordos á demanda dun grupo lácteo galego, a administración segue dando as costas ao agro autóctono, refén da especulación das transnacionais. En ADEGA coidamos que sen un mundo rural vivo, os desequilibrios ambientais agrávanse: despoboamento e abandono, cambio de usos e especulación, lumes… Resulta indecente que a Xunta siga a subvencionar a merca de coches, malia á constante caída das vendas, e a achantar o camiño á especulación urbanística e industrial, en troques de apoiar aos sectores produtivos baseados na terra que contribúen a manter vivo o mundo rural.
Un medio rural vivo e sustentábel é chave para a conservación de moitos dos nosos hábitats naturais. O abandono, o despoboamento, o cambio de usos e a especulación urbanística e empresarial están detrás de problemas tan graves como os incendios e da continua perda de biodiversidade.
As políticas públicas nunca tiveron en conta as especificidades do noso territorio e as especiais relacións coa terra dos habitantes do mundo rural, valedores dun equilibrio secular, grazas ao cal aínda somos un dos territorios con maior biodiversidade de toda Europa.
A actual crise económica ten unha forte compoñente ambiental: ao cambio climático hai que engadir a explotación insustentábel dos recusos naturais propiciada polas economías especulativas, que colocaron a moitos ecosistemas naturais ao borde do colapso. Por iso unha das medidas para saírmos da crise e promover o aproveitamento sustentábel destes recursos, con criterios de suficiencia, eficiencia e proximidade, e comezando polo eido local. As adminsitracións deberían apostar por afortalar os sectores produtivos autóctonos, nomeadamente os baseados nos recursos da terra, en troques de fomentar a deslocalización dos mercados, a especulación cos alimentos e a perda da soberanía alimentar. Subvencionar economías especulativas como as baseadas na construción ou na produción de coches mentras o mundo rural esmorece e as transnacionais decretan o que podemos comer, de onde ten que vir e a que prezo, é suicida.
Como se poden soterrar millóns de euros nos rescates dos bancos, responsábeis da actual crise, ou en subvencionar a produción e consumo de coches (que por certo segue a caer, convertíndose nun trasvase directo de fundos públicos aos petos dos fabricantes que seguen apresentando EREs), mentres ése cómplice dunha política de terra queimada no mundo rural?
Dende ADEGA queremos amosar outra volta o noso firme compromiso cun mundo rural vivo e manifestar o noso apoio ás reivindicacións por un prezo digno para o leite galego.
Para ADEGA o dumping practicado polas empresas leiteiras vai converte o agro nun ermo
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
