Nota de Prensa
Nota de Prensa
ANTONIO VEIGA ASISTIU Á PRESENTACIÓN DA REVISTA ORAL DO MUSEO DO MAR “A VOZ DOS CARRAOS”
Este é o 9º número da revista e na súa lectura interviron, entre outros, Benxamín Otero, Carlos Quintá e Óscar Sanjurjo ou Ramón Casas e Montse Recalde (Grupo “Máis talento e menos cemento”)
LUGO, 25 de setembro de 2010. Antonio Veiga, delegado de Cultura da Deputación, asistiu esta tardiña á presentación da revista oral do Museo do Mar de San Cibrao, “A Voz dos Carraos”, da que se presentou o 9º número ás 19 horas e contou coas intervencións de Benxamín Otero, Carlos Quintá e Óscar Sanjurjo (música, maxia e…), Ramón Casas e Montse Recalde (Grupo “Máis talento e menos cemento”), Pilar Yáñez, Encarna Lago e nenos e nenas que participaron nos obradoiros de verán nos museos da Rede Museística da Deputación de Lugo.
Con este número, o 9º de “A Voz dos Carraos”, colaboraron Benxamín Otero e Carlos Quintá, lalinenses que durante anos comparten aprendizaxes na mesma clase do colexio e do Consevatorio. Alí Benxamín inicia os seus estudos de óboe, e Carlos de violino. No 2003, empecen a realizar proxectos musicais conxuntos. Xunto con varios amigos de Lalín e Monterroso, crean o grupo de folk “Grodan defló”, gañando a IV edición do “Concurso Folk Radio Obradoiro”. Na actualidade os dous manteñen proxectos por separado, e dende hai uns anos, estes dous músicos están a traballar con compañías de títeres: Quintá é músico da compañía “Viravolta” e Benxamín de “Fantoches Baj”.
A sección “comunicación enredada”, sobre as actividades da rede museística, explica a idea subxacente nas mesmas de que museo pode axudar a construción da identidade e o desenvolvemento da comunidade, e favorecer as relacións de cooperación, así como a colaboración intercultural, a xerencia da rede museística presenta obradoiros que se rexen por diferentes valores: simplicidade, participación, colaboración, dedución, diversión, coñecemento e emoción. O deseño das actividades xira en torno a tres bloques temáticos que son, en primeiro lugar, compartir disciplinas: arte, ciencia e natureza; compartir culturas: proxectos de comunidade; e compartir en internet: proxectos de redes sociais.
O grupo “Máis talento e menos cemento” creouse para defender un desenvolvemento sostible e racional, e polo tanto, oponse á especulación urbanística da que foi e segue sendo vítima o noso litoral, e da que Barreiros é un dos últimos exemplos. “Máis talento, menos cemento” pretende facer visible que outra forma de crecemento é posible, que para avanzar cara ao futuro non fai falta destruír o pasado e que manter a personalidade das nosas vilas, aldeas ou cidades é garantía de futuro. Organizan diferentes eventos lúdico-formativos, como a “Festa de exaltación do cemento”, grazas á colaboración desinteresada e á xenerosidade de persoas comprometidas con esta causa.
SUMARIO DO Nº9 DE “A VOZ DOS CARRAOS”
Portada
Tema: Mazurca. Intérpretes: Benxamín Otero, Carlos Quintá e Óscar Sanjurjo
Comunicación enredada
Presentación do proxecto e obxectivos, por Encarna Lago
Música
Tema: O Ramallo (canción tradicional portuguesa) Intérpretes: Benxamín Otero, Carlos Quintá e Óscar Sanjurjo
Comunicación enredada no Museo Provincial do Mar
Obradoiros para explorar novas formas de relación a través da rede (webs, vídeo-radio, blogs…), por Juan e Sara
Maxia
Maxia con cartas, por Benxamín Otero
Comunicación enredada
Con outra mirada, por Pilar Yáñez
Música
Tema: A pita podeira. Intérpretes : Benxamín Otero, Carlos Quintá e Óscar Sanjurjo
Comunicación enredada no Museo-Fortaleza de San Paio de Narla
Obradoiros para explorar o coñecemento do pasado a través de xogos (Xogos romanos, Os Irmandiños, Twister…), por Luis e Borja
Maxia
Maxia con cartas, por Benxamín Otero
Comunicación enredada no Museo Pazo de Tor
Obradoiros para explorar as relación entre culturas e entre diferentes xeneracións (Expres-arte, Tratando e retratando…), por Manuel e Blanca
Música
Tema: Nena. Intérpretes: Benxamín Otero, Carlos Quintá e Óscar Sanjurjo
Comunicación enredada
Conclusións, por Encarna Lago
Maxia
Maxia con cartas, por Benxamín Otero
Iniciativas
Presentación dos obxectivos e actividades do Grupo “Máis talento e menos cemento”, por Ramón Casas e Montse Recalde
Opinión
Intervención do público que o desexe
Epílogo
Agradecementos e entrega dos carnés cos títulos de “Graduado” e “Monitor graduado” aos alumnos/as dos distintos obradoiros, por Encarna Lago, xerente da Rede Museística da Deputación de Lugo
Contraportada
Tema: caldeliñas (aprendemos a bailar un pasodobre). Intérpretes : Benxamín Otero, Carlos Quintá e Óscar Sanjurjo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.