No seu desleixo cara ao galego e o público, o señor Jesús Vázquez Abad non nos deixa de abraiar co paso do tempo. Semellaba que lle deran a orde de baixar a presión na cuestión do idioma, pero de novo volveu levantar a lebre. Outra cousa é que a presión cidadá lograra facer recuar ao señor Feijoo, negando primeiro o evidente, e facéndoo corrixir despois.
O gasto previsto na promoción “dos valores que sustentan o decreto de uso do galego no ensino” era desmesurado: ata un millón de euros. A metida de zoca do señor Feijoo negando no Parlamento a existencia de tal campaña publicitaria, e a adxudicación da mesma, fíxolle sacar as cores ante a cidadanía. E máis que lle han saír no caso de ter que indemnizar á empresa adxudicataria.
Despois do recorte feito en Educación, e estes rapaces veña a andar a xogar cos orzamentos da Xunta, de todos nós, tan á lixeira. Iso si: para a ESO e bacharelato de adultos, para mellorar as ratios profesor-alumno (ou manter cando menos as acadas ata o momento), para consolidar e aumentar a oferta de ciclos formativos, ou para facer novas escolas infantís, para iso non había diñeiro. E se hai nenos e nenas en Ribadeo que teñen que ir á gardaría a Barreiros ou Castropol, pois que ben que van de excursión!
Pola contra, sempre están a tempo de nos advertir do importante que é o ensino privado e tamén das súas bondades. Nun congreso de centros da privada celebrado estes días atrás en Vigo, o señor Jesús Vázquez non faltou á súa “cita” (non sabemos se para exercer de conselleiro de todos os galegos e galegas ou se como patrón do mesmo). Como non, a súa referencia anti-LOXSE non puido faltar. E mira que podería ter proposto o PPdeG unha lei galega de educación alternativa no seu día á LOXSE, ou agora á LOE (as dúas leis de gobernos socialistas). Pero iso, ata que se atreva a señora Esperanza Aguirre, os de aquí non han ser quen. Élles moito caldo xunto. Logo se empacha o señor Vázquez co que quere, que cando lle convén ten peito abondo; como no caso da campaña do millón de euros ou no aumento cualitativo das axudas ao ensino privado ao mesmo tempo que diminuían drasticamente os orzamentos para potenciar ou, no seu caso, cando menos, manter o ensino público. Cuestión de prioridades.
Farruco GRAÑA
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
