Nota de prensa:
ALFREDO LLANO PÍDELLE Á CONSELLERÍA DE MEDIO AMBIENTE QUE PROCEDA A LIMPAR OS LODOS DO ENCORO DE RÚA E Á DE SANIDADE QUE ABSORBA A XESTIÓN A UNIDADE DE DROGODEPENDENCIAS.
Burela, 4 de outubro de 2010. O alcalde, Alfredo Llano, ven de enviarlles sendas cartas aos conselleiros de Medio Ambiente e Sanidade da Xunta. A Agustín Hernández pídelle que o seu departamento proceda a limpar o encoro de Rúa e a Pilar Farjas solicítalle unha entrevista para falar da unidade asistencial de drogodependencias.
O rexidor explicou que “en Rúa temos un encoro no que almacenamos auga para abastecer ao concello de Burela, aínda que no futuro será compartido por Cervo. Por iso fixen unha petición de limpeza dos lodos dese encoro no que temos almacenados uns 21.000 metros cúbicos para que estea ao 100% da súa capacidade e se garanta o abastecemento de auga. Como vexo que en concellos coma o de Lourenzá se están empezando a limpar estes lodos, algo que me parece moi ben, fago esta petición urxente para que se acometan os mesmos traballos no encoro de Rúa”. Llano lembrou que “no abastecemento de auga a Burela e Cervo xa estaba contemplada esta limpeza, pero debido aos prezos que acadan estes traballos no mercado suprimíuse de dito proxecto inicial. Agora fáise necesario insistir de novo nesta ocasión”.
O alcalde burelés solicita manter unha entrevista coa conselleira de Sanidade, Pilar Farjas, para falar da unidade de drogodependencias, “que leva prevención e que conta coa unidade asistencial. O servizo que presta é máis comarcal que municipal, hai moitos Concellos adscritos a dita unidade. Xa desde hai tempo se viña falando da necesidade de que o persoal que alí traballa fose absorbido polo Sergas e de momento non se deron os pasos suficientes para facer isto. Agora hai que retomar esta cuestión debido á preocupación que temos pola subvención anual que recibimos da Xunta para esta unidade e que neste 2010 aínda non nos chegou. En total son 217.000 euros para facer fronte tanto aos salarios coma ao material, etc… e de momento non cobramos nada e vémonos na obriga desde o Concello de Burela de ir adiantando eses cartos, pero a situación váisenos facer insostible se non chega esa subvención”. Alfredo Llano pensa que “a mellor forma de darlle unha solución definitiva a esta situación sería que a unidade e o seu persoal fosen absorbidos polo Sergas sen depender para nada o seu funcionamento dos Concellos porque tal e como están as cousas á larga pode ser un problema”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
