Nota de prensa:
Últimos días para inscribirse en Burela co seu comercio, o 1º programa personalizado e gratuíto para a mellora do sector
– Os comerciantes burelenses poden solicitar unha praza ata o 10 de novembro chamando ó 982-22-78-12 ou enviando os seus datos a burelacomercio@deputacionlugo.org
– O luns, ás 20:30 horas, celebrarase unha xornada informativa aberta ó publico no Salón de Conferencias de Burela, na antiga Biblioteca
– A Deputación aforra ós 20 participantes neste iniciativa 80.000 euros ó facerse cargo dos custes das 250 horas de asesoramento individual e da elaboración dun plan estratéxico específico para cada empresa que oferta este programa
A Deputación pecha o prazo de inscrición de Burela co seu comercio, o primeiro programa personalizado e gratuíto, posto en marcha na provincia para a mellora deste sector, o vindeiro mércores, 10 de novembro. Ata entón, os comerciantes burelenses poden solicitar unha praza chamando ó 982-22-78-12 ou enviando un correo electrónico ó enderezo burelacomercio@deputacionlugo.org.
O Alcalde de Burela, Alfredo Llano, o coordinador do programa, Nemesio Galán, xuntos a membros da Cámara de Comercio e da CEL, manterán un encontro con todos os interesados en participar no programa este luns, 8 de novembro, ás 20:30 horas, no Salón de Conferencias de Burela, na antiga Biblioteca. Na reunión, abordarase polo miúdo esta iniciativa coa que o organismo provincial aforra 80.000 euros ós seus 20 participantes, o custe segundo o mercado das 250 horas de asesoramento individual e de prácticas, así como da elaboración dun plan estratéxico específico para cada empresa que ofrece Burela co seu comercio.
Deste xeito, durante 6 semanas, expertos económicos visitarán in situ cada establecemento para, en primeiro lugar estudar a situación da empresa, e logo determinar as oportunidades de negocio, as negociacións con proveedores e institucións financieiras, o contorno xurídico laboral e fiscal, as actividades de merchandising, así como a xestión de stocks.
Todas as sesións serán sempre personalizadas e individuais, polo que cada participante poderá coñecer o seu plan de operacións; organizar os recursos humanos; abordar a contabilidade do seu negocio, o uso das novas tecnoloxías, o trato ó cliente; establecer estratexias defensivas, ofensivas ou de cooperación; e ata deseñar posibles proxectos de expansión ou remodelación comercial.
Compromiso coa Mariña
Burela co seu negocio é a segunda programación que a Deputación leva a Mariña en apoio ó tecido empresarial logo da celebración en Viveiro dunha xornada sobre a difícil situación familiar que logrou manter 20 postos de emprego. Esta iniciativa engádese ademais, ás pioneiras axudas ós autónomos en España, coas que o organismo provincial subvencionou, só na Comarca mariñana, os gastos correntes de máis de 250 traballadores, moitos deles comerciantes.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
