Nota de prensa:
O GPPP ve no adianto orzamentario desgranado onte por Besteiro o recoñecemento do fracaso da súa acción de goberno na Deputación
Lugo, a 9 de novembro de 2010.- O Grupo provincial do Partido Popular, á vista das liñas básicas do orzamento provincial para o vindeiro ano adiantadas onte no Parlamento galego polo presidente da Deputación, conclúe que nestes tres anos e medio non se ten avanzado nada na consecución dos principios básicos que ían rexir a institución, nin nas actuacións que José Ramón Gómez Besteiro fixara como prioritarias no seu discurso de investidura. Recoñeceu, por tanto, o fracaso da súa acción de goberno ó fronte da administración provincial.
Lembran os populares que xa en xullo de 2007 Besteiro establecía como eixos fundamentais da súa acción de goberno a loita contra o despoboamento e a vertebración da provincia como único camiño para acadar o equilibrio territorial. Aludir de novo a estos dous aspectos no último tramo de mandato, avogando por un pacto polo campo, denota que nada se fixo a este respecto dende a administración provincial. Nin se apoiou ós sectores productivos básicos nin se abriron nin potenciaron outras alternativas económicas que permitiran ós máis xóvenes dipoñer dun medio de vida viable e rendible que lles permitira apostar por asentarse no medio rural. Engaden asimesmo que todas as iniciativas presentadas neste eido polo grupo popular foron sistemáticamente rexeitadas polo bigoberno.
Nada serio se fixo tampouco pola promoción do emprego en xeral, agás a reciente posta en marcha dun plan servil de formación que, coa vista posta nas vindeiras eleccións municipais, conleva o pago de 400 euros mensuais. Un plan sobre o que ademais existen dúbidas razonables sobre a rendabilidade futura que, dende o punto de vista da capacitación profesional, poderán sacarlle os beneficiarios.
O GPPP ve con gran preocupación a importante rebaixa anunciada nas partidas que se adicarán ó Inludes e Suplusa e que suporán en conxunto máis de 15 millóns de euros. Precisamente nos organismo provinciais especialmente concebidos para apoiar o desenvolvemento ecónomico e a actividade empresarial.
O principio de transparencia e neutralidade do que tanta gala fixo Gómez Besteiro na súa investidura tamén se quedou nun mero anuncio de intencións porque si por algún principio se vén caracterizando a cooperación cos concellos, así como o reparto de achegas a colectivos, asociacións ou comunidades veciñais no tempo de mandato trascurrido, é polo sectarismo.
En definitiva, para os populares o adianto orzamentario desgranado onte polo Gómez Besteiro non é máis que unha réplica con poucas actualizacións do dito no seu discurso de investidura que, dado que non cumpriu nada do anunciado, continúa vixente. Do que se deriva a nula capacidade de xestión amosada polo bipartito provincial, máis centrado en repartirse cotas de poder e en derrochar os cartos públicos que en traballar por acadar avances importantes para o conxunto da provincia e os seus habitantes.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
