Nota de prensa
NEVES CANDO CONSIDERA QUE BURELA REÚNE CONDICIÓNS E SERVIZOS DABONDO PARA SER CATALOGADA COMO CABECEIRA DE COMARCA NAS DIRECTRICES DE ORDENACIÓN DO TERRITORIO DA XUNTA. A TENENTE DE ALCALDE PÍDELLE AO PP QUE SE PRONUNCIE AGORA QUE O GOBERNO GALEGO REXEITOU AS ALEGACIÓNS PRESENTADAS POLO CONCELLO.
Burela, 27 de decembro de 2010. A Xunta desestimou as alegacións presentadas polo Concello para que Burela sexa considera cabeceira de comarca ao igual que Viveiro e Ribadeo nas Directrices de Ordenación do Territorio. A tenente de alcalde, Neves Cando, di que Burela conta con condicións e servizos dabondo para que non quedar catalogada na segunda división dese documento e pídelle ao PP burelés que se pronuncie ao respecto.
A edil nacionalista explicou que “no pleno que imos celebrar o vindeiro xoves incluimos un punto para dar conta da resposta que nos enviou a Xunta ás alegacións que presentamos o pasado mes de agosto ás Directrices de Ordenación do Territorio que aprobara inicialmente o goberno do PP. Nese documento marcábanse dúas cabeceiras de comarca que son Ribadeo e Viveiro e Burela aparece catalogada en segunda división como subcabeceira de comarca”. Neves Cando sinalou que “desde o equipo de goberno cremos que isto non se corresponde coa realidade social, económica e real do noso concello, que conta cun moi importante sector primario da pesca, un sector terciario de servizos e cunha poboación en claro ascenso ano a ano, conta tamén cun hospital comarcal e con outros servizos administrativos moi importantes e únicos en toda a comarca”.
A tenente de alcalde lembrou que “cando debatimos este asunto en pleno o PP de Burela non quixo dicir nada sobre o tema e nada dixo nunca públicamente sobre este documento, polo tanto a conclusión é clara, o PP de Burela está de acordo coa catalogación que fixo a Xunta sobre o noso pobo ao considerala unha vila de segunda división. E agora o escrito de resposta da Xunta ás nosas alegacións tampouco deixa ningunha dúbida ao respecto, di que Burela será un complemento ás restantes cidades do sistema urbano, pero nunca cabeceira de comarca como seguirán a ser Ribadeo e Viveiro. É dicir, Burela, segundo a Xunta do PP, non cumpre os requisitos para ser cabeceira de comarca como son contar cunha serie de equipamentos, de dotacións e de servizos que son núcleos de influencia sobre a poboación, pero esa non é a realidade de Burela, que sí conta cun hospital comarcal, coa sede do Instituto Social da Marina, coa sede da Capitanía Marítima e que se está a converter nun núcleo de poboación que medra ano a ano e que ten uns sectores productivos que para nada son complementarios doutras vilas como Ribadeo ou Viveiro. E sen embargo ésta é a resposta da Xunta, desestimar as nosas alegacións e condenar a Burela á segunda división”.
Cando engadiu que “agora haberá que agardar a saber qué opina por fin o PP de Burela, agora que a resposta da Xunta é firme o PP terá que dicir algo e pronunciarse sobre cómo queda Burela nestas Directrices de Ordenación do Territorio”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
