O sábado, 25, no cemiterio de Foz, ós 98 anos, era soterrado o cadáver da mestra dona Inés Díaz García. Oriunda de Lourenzá, chegara á vila mariñeira, polo ano 50, na compaña do seu marido, tamén mestre, don Ramón Fernández Quiroga, e alí exerceron durante mais de 20 anos. A parella, entregada en corpo e alma á profesión e á familia, era arquetipo dos clásicos mestres modélicos, cuxas ensinanzas e exempro desbordaban as lindes das aulas: a modestia, austeridade, honestidade e dignidade, e o carácter bondadoso, sempre colaborador, facían deles persoaxes respectados e queridos, en especial polos seus discípulos. Tempos difíciles nos que os dous ensinantes non tiñan límite para o horario laboral, porque había que sacar adiante cinco fillos, en épocas duras, de tódalas carencias, ás que non eran alleos/as os/as profesionais do maxisterio. Este cronista, por razóns de idade, non asistiu ás súas crases, pero sí recibiu as súas ensinanzas. Foi cando, xa mozo casadeiro, no ano 1962 formouse unha comisión para recaudar fondos e instalar a calefacción no asilo; con tal fin representouse a comedia “La vida privada de mamá”, con este plantel : Carmucha de Severo, Geluca, Chicha Veiga, Ana e Paca da Botica, Angelines Otero, Pili Leitón e Marita; Pedro del Riego, Pepe Marful, Moncho Hermida, Chichita, Manolo de Paquita, Cesarín e o que suscribe. Un ano despois, os mesmos poñían en escena “Don Armando Gresca”. Ámbalas obras, dirixidas polos mestres, con decorados de M. Jaureguizar, foron senllos éxitos, con varias representacións e saídas a pobos da comarca . Así soubemos da personalidade de ambos. A bisoñez, o balbordo xuvenil e a rebeldía do inexperto personal poñerían a proba as virtudes, humanas e pedagóxicas, do exemplar matrimonio. Os partícipes na ilusionada experiencia nunca esquecimos o talante paternal, non exento da enerxía precisa, nen as leccións; as súas facianas reflectían a grandeza das almas sinxelas. Quede este breve apunte como homenaxe mínima a estes mestres de escola, e sobre todo, da vida. Desde a gratitude e o afecto, pregamos que descansen na paz.
Suso Fernández
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
