No beneficio de tódolos xovenses
“unha mellora moi substancial que vai redundar no beneficio de tódolos xovenses, especialmente os que a habitan”
Estás verbas do señor alcalde de Xove véxoas cheas de hipocrisía e cinismo, se tanto se preocupa polos veciños de Xove voulle dar algunhas pautas:
1º – fomentar o emprego en Xove, por exemplo outorgando as obras a empresas do noso concello (hai empresas dabondo e querer é poder, o resto son escusas de mal pagador, a non ser que xa veñan outorgadas a algún amigo que é o máis probábel) así como fomentar a creación de novas empresas facilitándolles axudas e terreo industrial pero para iso terían que solucionar a especulación que hai coas prazas do polígono….
2º – os que habitan Xove e os xovenses necesitan servizos e o seu partido está a quitalos e non vexo que vostede faga nada por evitalo, léase votar en contra de vivendas sociais para Xove (non todos gañamos 3000€ ao mes que permitan facer un chalet ao pé da praia ou pagar un piso a un prezo desorbitado) votar en contra do cinturón industrial de Alcoa, pedir que a sanidade a teñan que pagar os veciños, incrementar o recibo da auga, piscina, gardería e máis….
3º – aportar obra nova, pero como carecen de ideas adícanse a romper o feito por anteriores gobernos, e vólveno a facer tal cual e namáis, (iso sí, con foto) sen aportar nada novo. (so aportan o 6% dos orzamentos a investimento real, cando o anterior goberno nunca baixou do 8%, que de por sí tamén era irrisorio)
4º – aparcar a cámara de fotos, aínda que é a única que fai algo no concello, e adicarse a traballar e buscar ideas e solucións (non todo son festas aínda que sexa o único que parece saben facer ben ) e senón as teñen collan as da oposición que están para iso, pero claro como son da oposición xa lle dicen que non, sen escoitalas.
E por último tomen exemplo de gobernar para todos: a Deputación de Lugo (gobernada polo BNG) entregou axudas ao concello de Xove, ¿Que asignou o PP a Xove ultimamente?
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
