Teño, dende fai tempo, recompilado un feixe de tópicos tan comúns como ridículos e tristes que forman parte do onte e do hoxe, tópicos que cando se pronuncian e coa intención de facer o máximo dano posible, exentos de criterio, de ética e estética e de tino. Moitos deles molestaranvos e farán que se vos revolvan as tripas… a min ocorreume tamén, pero creo que é xusto observar como a linguaxe pode servir de arma arroxadiza e ter o fin exclusivo de destruír, de humillar, de ridiculizar… aínda que se empregue a mentira para iso.
Hai tópicos para todos os gustos, eu optei por clasificalos por grupos o mellor posible. Atopamos deste xeito un amplo abanico conformado por tópicos sexistas do tipo: as mulleres non saben conducir, e de feito só serven para coidar aos críos e limpar a casa. Claro que peor son as louras, pois son todas bobas. Os homes, por certo, carecemos de sensibilidade, somos todos uns boutaros e pensamos no sexo unicamente, albergando no noso membro o pequeno cerebro que posuímos (salvo os cachas, que son bobos do bote). No que se poñen uns e outros de acordo case sempre, é en que as mulleres que están con moitos homes son unhas lagartas, pero nós, os homes se estamos con moitas mulleres, somos uns tigres de bengala. Quizá sexa porque, segundo din, elas maduran antes que nós.
Os tópicos xeográficos pretenden ser a miúdo tan perversos como estes … Ti seica non oíches que África empeza nos Perineos? O que seguro que escoitariades é que os cataláns son “agarrados” co diñeiro e uns polacos, que os madrileños son uns chulos, os vascos brutos, os galegos aburridos, os andaluces son vagos e festeiros… en definitiva, burradas de todo tipo que se fan máis crueis si se concreta aínda máis, pois para algúns os granadinos son antipáticos (xa sabedes, a tradicional “mala follá”), os sevillanos van de graciosos, e Xerez anda chea de señoritos e Cádiz de maricóns .
De todos os xeitos isto alcanza tintes internacionais cando nos explican que os ingleses son uns piratas, os mouros son porcos, os franceses uns guarros (por iso inventaron os perfumes), que os alemáns son uns cabezas-cadrada, os xudeus unhas urracas avariciosas, os palestinos uns nazis antisemitas, os negros téñena grande pero son unha raza inferior, todos os yankis son uns imperialistas, os rusos uns comunistas chafalleiros e bebedores de vodka…
Tamén hai tópicos laborais: os funcionarios non dan pau ao auga (contra o profesorado hai centos de tópicos), os políticos son todos uns ladróns, a xente do teatro é moi liberal sexualmente falando, e os militares uns fachas. Os modistos e os perruqueiros son homosexuais, os artistas están tolos e sempre andan nas minchas, etc.
Ata hai tópicos relixiosos. Non escoitou ninguén que masturbarse deixa cego? Ou que practicar o sexo sen a idea de concibir fillos é pecado e lévache ao inferno de cabeza (onde ao parecer espéranos os ateos, que son uns seres do demo, como os comunistas… e tamén os rusos polo tanto?). Por suposto, para moitos relixiosos e xente do pobo, os homosexuais son uns invertidos… aínda que polo da xente do pobo non debería a pena preocuparse moito, pois o tópico di que son todos uns catetos. Ou como dicen en Viveiro “Xente da aldea, tropa do carallo”.
Non se libra nin o fútbol, no que o Real Madrid é o equipo do Goberno, e sen dúbida o favorito de Franco. Do mesmo xeito que o Barça é o equipo da Generalitat, e para máis acenos, o preferido de Pujol.
En fin, como puidestes ver, toda unha lista de sandeces sen pés nin cabeza dedicadas a cultivar a xenofobia, a discriminación, o odio en xeral entre as persoas… claro, que quizá a min non hai que facerme caso, pois hai quen segue os tópicos e pode pensar que, como se di da xente coma min, son un inadaptado social e un bicho raro…
Otero Regal
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
