Nota de prensa:
O BURELA FSF DISPUTA A CUARTA PRAZA CO ATLÉTICO DE MADRID
Tras o éxito do III Trofeo Raíñas Meigas, Vista Alegre retoma a liga en 2011 con duelo de Honra. O Burela FSF Pescados Rubén intentará arrebatarlle a cuarta praza ao Atlético de Madrid Navalcarnero na visita de mañá á bomboneira, correspondente á décimo terceira xornada (18.30 horas).
Tan só dous puntos afastan as laranxas do obxectivo deste sábado. As pupilas de Javier Pardeiro deberán aplicarse a fondo ante un rival nada doado como visitante. As madrileñas conseguiron fóra da casa 13 dos seus 23 puntos totais, con catro vitorias (Ciudad de Alcorcón 1-6, Campillos 0-8, Soto del Real 1-2 e UCAM Murcia 1-5) e un empate (Natudelia.com Zaragoza 6-6).
O cadro burelao buscará a oitava xornada consecutiva sen coñecer a derrota para materializar a escalada ou, cando menos, garantir a quinta praza (21 puntos), asediada polo sexto clasificado, o Natudelia.com Zaragoza (20 puntos), que esta fin de semana recibe o vicepechacancelas, UCAM Murcia (5).
O vestiario de Javier Pardeiro afrontará o encontro un pouco resentido por un andazo de gripe.
Carnés 2011. Dende mañá, os socios/as do CD Burela FS só poderán acceder aos encontros laranxas cos carnés de 2011, dispoñibles xa nas oficinas do club (avenida Arcadio Pardiñas, número 97, entresollado), de luns a venres entre as 10.00-14.00 e as 16.00-20.00 horas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
