Nota de prensa
O ALCALDE DE CERVO SOLICITOULLE A VÁZQUEZ PORTOMEÑE A SÚA MEDIACIÓN PARA QUE GOBERNO CENTRAL SE PRONUNCIE CLARAMENTE SOBRE A PETICIÓN MUNICIPAL DE CESIÓN DOS LOCAIS DA CASA DO MAR
* Alfonso Villares agradeceu a visita do representante provincial do Goberno para comprobar as obras de emerxencia da praia de Rueta e aproveitou para entregarlle un dossier coas xestións que teñen feito no Concello para que lles concedan o permiso de utilización dos locais que hai pechados neste edificio dende hai dous anos
Cervo, 23 de febreiro de 2011.- O alcalde de Cervo, Alfonso Villares, aproveitou esta mañá a visita do subdelegado do Goberno en Lugo, José Vázquez Portomeñe, ao concello para solicitarlle que o Goberno do Estado se pronuncie claramente sobre a petición de cesión dos locais da Casa do Mar.
Vázquez Portomeñe acudiu a Rueta para visitar as obras de emerxencia feitas polo Ministerio de Medio Ambiente tralas riadas sufridas en xuño do pasado ano que estragaron os accesos a este areal. Unha vez alí, Villares e as concelleiras de Benestar, Pilar Armada; e de Cultura e Xuventude, Chelo Gallego, agradecéronlle devandita actuación; ao tempo que lle transmitíron a súa indignación pola falta de concreción do Goberno Central sobre cesión de uso dos inmobles baleiros da Casa do Mar. “Ademais de ver as obras xa feitas, os representantes estatais nos explicaron as próximas actuacións previstas para a praia de Rueta. Dende o Concello valoramos moi positivamente estas obras e así llo dixemos ao subdelegado do Goberno e tamén ao responsable provincial de Costas; pero aproveitamos tamén a estadía do señor Vázquez Portomeñe para entregarlle un dossier e un escrito dirixido a el no que lle pedimos que se clarifique dunha vez por todas cales son as razóns polas que a Administración Central no quere ceder ao Concello os locais baleiros da Casa do Mar e poder adicalos á cidadanía” indicou o rexedor.
O alcalde apuntou que a idea de transmitir esta petición ao representante do Goberno Central en Lugo xurdiu trala recepción o pasado día 18 no Concello dun escrito “ambiguo e pouco explícito” da Tesourería Xeral da Seguridade Social respondendo ás reiteradas peticións de cesión destes locais baleiros.
No seu escrito a Seguridade Social elude dar unha contestación clara sobre si é ou non o titular do inmoble. Indícalle ao Concello que a Casa do Mar está construída sobre dominio público e recorda que o Instituto Social da Marina tivera que solicitar no seu día unha concesión administrativa sobre esa superficie. Baseándose niso a Seguridade Social asegura que calquera decisión que afecte á ocupación da Casa do Mar terá que ser consultada coa Dirección Xeral de Costas, quen terá que determinar si os usos que o Concello lle quere dar aos locais baleiros (gardería e locais para asociacións culturais) se axustan ás condicións da concesión administrativa.
Escrito ao representante do Goberno do Estado en Lugo
Diante disto o Concello dirixiu un escrito á Subdelegación do Goberno -cuxa copia lle foi tamén entregada hoxe ao señor Vázquez Portomeñe en man- no que se fai constar que a petición de cesión dos locais da Casa do Mar responde a unha inquietude dos propios veciños e pais dos nenos inscritos no Punto de Atención á Infancia municipal e se afirma que a utilización de locais neste inmoble para adicalos a servizos municipais non debera ser un obstáculo “como non foi cando por Orde Ministerial de 8 de outubro de 1992 se cedeu o uso dun local na planta baixa de 46,50 m2 e outro na planta primeira de 12 m2 ó Concello de Cervo”.
No documento, os representantes locais fanlle tamén as seguintes preguntas ao representante do Goberno Central na provincia:
o ¿Cales son os motivos polos que desde o Goberno do Estado, a Tesourería Xeral da Seguridade Social ou Costas, non se lle quere autorizar o uso destas instalacións en desuso ao Concello de Cervo?
o ¿Por que prefire que se prefire dende o Goberno do Estado que o inmoble da Casa do mar se manteña pechado, deteriorándose co paso do tempo, antes de cedelo ao Concello para que este o poña a disposición dos veciños?
o ¿Como é posible que nin a TGSS, nin Costas, nin ningún representante do Estado sexan coñecedores da situación deste edificio, posibles cesións ou titularidade?
o ¿Como é posible que esta cesión non se teña levado a cabo? Sobre todo tendo en conta de que por parte do Concello de Cervo non se está a pedir NIN UN SO EURO AO GOBERNO DO ESTADO, so se pide unha SINATURA DE AUTORIZACIÓN.
“O único que lle pedimos ao señor Portomeñe é que o Goberno do Estado teña vontade política para solucionar este problema polo que levamos loitando en todo este tempo . So queremos que nos deixen dispoñer duns locais que levan sen uso case catro anos e que os propios veciños solicitan facer uso deles. Creemos que por respecto ós cidadáns deste municipio, por lealdade institucional e por sentido común deben de facer as xestións oportunas para que estas instalacións poidan ser utilizadas, sobre todo tendo en conta que foron os propios veciños no seu día os que puxeron a disposición os terreos necesarios para a construción deste edificio” recalcou o rexedor.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
