Nota de prensa:
O INLUDES destina 600.000 euros á execución de obras que impulsen o medio rural e o sector primario
– Con estas subvencións, ás que se poderán acoller calquera asociación ou agrupación de gandeiros sen ánimo de lucro, a Deputación executará unhas 100 actuacións coas que como mínimo dará a traballo a 300 persoas
– A de Lugo convértese na 1ª Deputación de Galicia que desenvolve unha iniciativa semellante coa que pretende mellorar a calidade de vida no rural, conseguir que as explotacións sexan máis competitivas e frear o despoboamento poboacional
– Logo de que o INLUDES aprobase a ordenanza do Innova-TE que o converte en sede electrónica, a día de hoxe é posible realizar 23 procedementos administrativos on line coa Deputación e 30 cos Concellos
O Presidente da Deputación, José Ramón Gómez Besteiro, e a Vicepresidenta Segunda, Lara Méndez, presentaron este xoves o plan de axudas que vén de aprobar o Instituto de Desenvolvemento Económico e Social (INLUDES) para seguir apoiando ó medio rural e ó sector primario. A través desta iniciativa, dotada con 600.000 euros, a Deputación executará 100 actuacións nos núcleos rurais da provincia, polo que non só aumentará o inventimento en obra pública senón que contribúe a manter os postos de traballo existentes. Neste senso, Gómez Besteiro subliñou que iniciativas coma esta cobran máis importancia, “xa que nun momento no que o rural está a atravesar un proceso complicado, está a asistir con desasosiego ante a despreocupación de determinadas administracións con noticias como que se reducen e se retrasan as axudas no campo, que as explotacións non poden acceder a fondos europeos porque se perderon por non telos investidos a Xunta de Galicia, que se reduce a política contra o lume en preto de 9 millóns de euros… Cando quen ten resposabilidades en medio rural só dá noticias negativas eu creo outros temos que trasladar unha mensaxe esperanzadora. De aí a creación destas axudas que poñeremos ó servizo do medio rural e das explotacións gandeiras”.
O máximo mandatario provincial explicou que, non só se trata dunha iniciativa sen precedentes na provincia, senón que a de Lugo é a primeira Deputación de Galicia que pon en marcha unha iniciativa destas características destinada única e exclusivamente a impulsar o rural e o sector agrogandeiro. Os obxectivos destas axudas das que se beneficiarán calquera asociación, agrupación de gandeiros ou de cidadáns sen ánimo de lucro, son tres:
1.- Mellorar a calidade de vida no medio rural e facer máis competitivas as explotacións da provincia.
Na actualidade, na provincia existen máis de 8.000 explotacións gandeiras, polo que este sector é un dos piares principais da base da economía de Lugo. Precisamente, para facer que estas sexan máis rendibles, estas axudas destinaranse ó acondicionamento dos accesos ás explotacións, á mellora saneamento dos núcleos rurais, dotándoos de equipamento e servizos básicos que ata o de agora non dispoñían deles como a construción de bebedoiros para animais ou a instalación de sumidoiros onde non hai nestes momentos, etc.
2.- Frear o despoboamento poboacional. Segundo datos do Instituto Nacional de Estatística, a provincia encabezou en 2010 o retroceso demográfico ó perder case 3.000 habitantes. “Unha das grandes obsesións que ten a Deputación este ano é intentar conciendair do problema de despoboamento desta provincia. Con estas obras conseguiremos que haxa unha actividade constante no medio rural”.
3.-Crear postos de traballo. A través destas axudas executaranse un cento de obras nas que como mínimo traballarán tres persoas en cada unha, polo que a Deputación dará traballo a 300 persoas,
As axudas convócanse en réxime de concurrencia competitiva e a contía de cada subvención non poderá superar a cantidade de 6.000 euros, nin exceder o 75% do importe do proxecto subvencionable. O 25% restante será aportado polos solicitantes. O 21 de febreiro publicarase a convocatoria das axudas no Boletín Oficial da Provincia, data a partir da que se abrirá o prazo para que os gandeiros ou as agrupación de veciños poidan solicitalas, e que rematará o 10 de marzo.
O INLUDES xa é sede electrónica
Ante do verá o organismo provincial culminará a implantación da administración electrónica co Innova-TE, o programa máis ambicioso de Galicia tanto en presuposto como en prazos. Ó igual que a principios deste mes arrancou a administración electrónica en 11 Concellos, o INLUDES vén de aprobar a ordenanza que converte a este organismo, dependente da Deputación, en sede electrónica, ou o que é o mesmo, na administración sen papeis, aberta as 24 horas do día e os 365 días dos ano. Deste xeito, nestes momentos, están operativos 7 procedementos dos 13 previstos polo programa.
A este respecto, Lara Méndez subliñou que “a Deputación ten toda a maquinaria a pleno rendemento. Grazas ó Innova-TE, sen custe para os municipios, a Deputación aforra tempo e cartos ós veciños e 300.000 euros a cada un dos Concellos que se adheririon. Só falta que a Xunta estenda a banda longa, xa que de pouco serve ter un coche de alta gama senón hai as autopistas necesarias para poder circular”.
En canto á Deputación, están activos catro trámites máis, a maiores dos 12 iniciais cos que deu comezo a eadministración. Deste xeito, na actualidade os cidadáns xa poden realizar 16 procedementos coa Deputación. O día 22 de febreiro activaranse 11 máis, polo que serán 27 os dispoñibles, dos 55 previstos polo programa. Por tanto, entre INLUDES e Diputación, a día de hoxe é posible realizar 23 procedementos administrativos on line, 7 do INLUDES e 16 de Deputación, dos 68 que finalmente se activarán.
Polo que respecta ós 11 Concellos que estrearon a administración electrónica a principios de mes, os seus veciños xa poden facer 30 trámites vía internet, dos 80 previstos. É o caso dos seguintes: recollida de enseres e de animais abandonados, consulta de incidencias producidas na vía pública; consulta e inscrición no padrón municipal; rexistro de parellas de feito; aviso para a retirada de vehículos da vía pública ou de avaría de subministro de auga potable; consulta de censo electoral, de ordenanzas, bandos e dos rexistros de entrada e saída; reserva de cita de boda civil; inscricipión na bosla de traballo; solicitude de licenza de animais perigosos e da tarxeta de aparcamento para discapacitados, etc.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
