Nota de prensa
Os deputados popualres alertan ante a perigosidade do enlace deseñado polo Ministerio, cuestiona os rodeos absurdos que obriga a efectuar aos usuarios da vía para acceder aos concellos limítrofes e sinalan as crecentes queixas dos veciños da comarca
O GRUPO POPULAR LEVA AO PARLAMENTO O POLÉMICO ENLACE DA AUTOVÍA DO CANTÁBRICO EN LOURENZÁ
* As presas de Fomento por inaugurar os treitos incompretos da A-8 implican o corte non autorizado dunha estrada autonómica LU-153.
* Jose Blanco buscaba disimular “a topa presa” a parálise na que mantén esta autovía, que acumula atrasos importantes na súa posta en servizo total, e intentaba tamén evitar a prohibición electoral de facer inauguracións nos meses previos ás eleccións municipais.
Santaigo, 9 de febreiro de 2011.- O Grupo Parlamentario Popular, a través dos seus deputados Jose Manuel Balseiro Orol e Emma Álvarez Chao levaron ao Parlamento autonómico a polémica saída da autovía do Cantábrico en Lourenzá. Os populares a través dunha pregunta parlamentaria queren coñecer a posición e as xestións que ten previsto desenvolver a Xunta despois de saberse que Fomento decidiu unilateralmente executar este enlace vial mediatne o corte non autorizado e non consensuado dunha estrada autonómica, a Lu-153, que une Lourenzá e Masma (Mondoñedo).
Balseiro Orol e Álvarez Chao alertan ademais da perigosidade do enlace deseñado polo Ministerio –que incluso incorpora sinais de stop en medio dun carril de circulación dunha estrada en pleno cambio de resante-, cuestionan por inxustificados os rodeos absurdos –de ata 5 quilómetros en círculo- que se vén obrigados a efectuar aqueles que abandonan a autovía para acceder aos concellos limítrofes de Lorenzá, Mondoñedo, Alfoz e O Valadouro e sinalan as múltiples queixas que esta deficiente saída está a provocar entre veciños e respresentantes públicos da comarca.
Con todo os deputados populares salientan que os máis prexudicados son os veciños dos concellos de Alfoz e O Valadouro e os da parroquia de Masma en Mondoñedo para os que Fomento en vez de habilitar un enlace directo desde a autovía obrígaselles a empregar tanto para saír como para entrar á Transcantábrica o enlace vía Lonrenzá, efectuando por elo un rodeo significativo e innecesario de varios quilómetros.
AS PRESAS DE FOMENTO
Na procura dunha explicación que xustifique a decisión de Fomento de habilitar esta saída defectuosa, os populares apuntan a dúas posibles causas, que en todo caso teñen un obxectivo común: O departamento ministerial que dirixe Jose Blanco tiña presa por inaugurar novos tramos e estaba disposto a facer calquera cousa para logralo, incluso habilitar este custosísimo enlace defectuoso.
DISIMULAR A PARÁLISE E ATRASOS QUE ACUMULA A A-8
Balseiro Orol e Álvarez Chao cren que Fomento pretendía disimular a parálise e os continuos incumprimentos nos que vén incorrindo en relación coa execución da autovía. De feito sete anos despois de iniciadas as obras preto do 40% desta vía aínda está pendente de executar, entre eles, os treitos de maior complexidade técnica que se atopan na parálise absoluta e nos que durante meses nin tan sequera se efectuaron obras –salvo as obrigadas de mantemento-, nin había maquinaria por falta de recursos económicos. De feito os recortes de Fomento foron especialmente lesivos para a autovía do Cantábrico.
EVADIR A PROHIBICIÓN ELECTORAL
Os populares tamén consideran que a anticipación na celebración da inauguración deses dous novos tramos agocha unha manobra de Fomento para evadir a prohibición electoral de desenvolver este tipo de actos nos meses previos ás eleccións municipais. De ter esperado máis tempo Fomento non podería desenvolver toda a custosísima parafernalia mobilizada para a inauguración, un gasto excesivo e absolutamente precindible, para mellorar a imaxe do Ministro.
UN ENLACE PROVISIONAL QUE PODE ETERNIZARSE
Balseiro Orol e Álvarez Chao sinalan finalmente que o O gran problema é que estes enlaces acumulan múltiples deficiencias, e aínda que non son os definitivos probablemente serán empregados durante meses ou incluso anos tendo en conta o baixo ritmo de execución da obra e as restriccións orzamentarias de Fomento que para nada priorizan as obras en execución na Mariña lucense.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
