Nota de prensa
“O FESTIVAL POLAS URXENCIAS”
O día 29 de Abril, ás 8 da noite, na sala Bahía, a C.F.D.S.P. celebra o “Festival polas urxencias”.
Con música e bo humor, e contando coa colaboración desinteresada de varias asociacións e artistas focegos, organizamos este festival con dous obxectivos principais:
1.- Ofrecer un homenaxe a todas as persoas que co seu esforzo e constancia na loita conseguiron obrigar aos distintos gobernos da xunta a levar a cabo importantes melloras na sanidade pública en Foz e dar pasos decisivos para a resolución definitiva do problema das urxencias.
Ao longo dos últimos anos, os homes e mulleres de Foz participaron en innumerables mobilizacións: Recollida de firmas (7954 entregadas na Consellería de Sanidade), encerros, concentracións, manifestacións, e mesmo unha folga xeral.
Os resultados deste esforzo están á vista: hoxe contamos cun novo Centro de Saúde, que, ademais dos médicos de medicina xeral, conta cos especialidades de pediatría, fisioterapia e odontoloxía; cunha ambulancia medicalizada con base en Foz que atende a todos os concellos da Mariña, e coa ampliación do servizo de urxencias no centro polas tardes de tres a dez e polas mañás do sábado e domingo.
É certo que aínda faltan as urxencias pola noite, e que hai outros servizos que deben mellorar, pero o conseguido ata agora é moi importante, e sen esa entrega xenerosa dos focegos non tería sido posible.
2.- Recordarlle a todos os veciños a necesidade de continuar adiante ata conseguir o noso obxectivo principal: as urxencias as vintecatro horas no Centro de Saúde todos os días do ano.
A loita dos focenses é parte da loita cidadán para conseguir uns servizos públicos de calidade: O que se pretende é que os poderes públicos utilicen o diñeiro que pagamos á facenda, e dicir, o noso diñeiro, en beneficio de todos nos: E a sanidade é un servizo básico, que debemos defender en todo momento.
En Foz levamos moito tempo exercendo esta presión cívica, e non debemos tirar a toalla agora que estamos máis cerca de acadar o que demandamos. Por esa razón seguiremos animando á xente a participar nos actos que se convoquen, sabendo que cantos mais sexamos a participar mais axiña conseguiremos o que en xustiza nos corresponde.
Relación de grupos que actuarán:
Banda de música de Foz
Coral de Foz
Rondalla Latexos
O Feitizo
A Subela
Os Kentakis
Tono Alonso
Mar aberto
A Comisión agradece a súa colaboración a todos os grupos e solistas que actuarán, e a todas as persoas e entidades que colaboran connosco na organización deste acto, e convida a todo o pobo de Foz a asistir.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
