Nota de prensa:
A CORPORACIÓN APROBOU POR UNANIMIDADE A ADXUDICACIÓN DAS OBRAS DE CONSTRUCCIÓN DO NOVO PAVILLÓN POLIDEPORTIVO, UNS TRABALLOS QUE SUPORÁN UN INVESTIMENTO DE 2.300.000 EUROS. FERNANDO SUÁREZ VALORA DE XEITO MOI POSITIVO QUE TODOS OS GRUPOS SOUBESEN ESTAR Á ALTURA DAS CIRCUNSTANCIAS.
Ribadeo, 19 de abril de 2011. A Corporación aprobou por unanimidade a adxudicación das obras de construcción do novo pavillón polideportivo de Ribadeo, uns traballos que suporán un investimento de 2.300.000 euros. O alcalde, Fernando Suárez, valora de xeito moi positivo que “a Corporación soubese estar á altura das circunstancias”.
O rexedor dixo que “é unha moi boa noticia o feito de que o pleno da Corporación por unanimidade acordase adxudicar as importantes obras de construcción do novo pavillón polideportivo, que substituirá ao vello ubicado na avenida de Luarca”.
Suárez Barcia explicou que “a adxudicación realizóuse a unha UTE formada por dúas empresas, Galdiano e Maceiras y Esmorís, unha vasca e unha galega, que das 28 ofertas que se presentaron foi a que mellor proposta realizou de conformidade coa mesa de contratación. O importe é de 2.333.000 euros cunha mellora de 1.124.000 euros para facer un dos mellores, máis grandes, máis ambiciosos e competitivos elementos polideportivos de toda Galicia”.
O alcalde subliñou que “todo isto será posible coa importante axuda da Deputación Provincial de Lugo, singularmente da súa Área de Cultura e Deportes que financia a totalidade deste pavillón, sin que o Concello de Ribadeo teña que poñer un só céntimo. Trátase dunha moi boa xestión na que traballamos durante meses e agora empezan a verse os resultados”. E engadiu que “agora nun mes e medio ou dous darán comezo as obras de demolición do actual pavillón e construcción do novo, unha vez que se se notifiquen os acordos, se firmen os contratos, se depositen os avais necesarios, segundo a lei de contratos, e en definitiva despois de 12 meses de obras Ribadeo contará cun novo pavillón multidisciplinar para moitísimas cousas, como salas de reunión para as asociacións deportivas. Contará tamén coa posibilidade de dividir a pista principal en tres pistas máis pequenas para poder simultanear diferentes actividades deportivas”.
Fernando Suárez considera que “esta instalación daralle un impulso moi importante a todo este movimento deportivo que xurdiu en Ribadeo nos últimos anos, non só dos deportes tradicionais senón dos novos. Este pavillón resolverá esa falta de espazo que tiñamos agora e seguimos sendo referentes en moitas cousas, coma no deporte. Quero felicitar xa que, a pesares de estar nos últimos momentos dun mandato, a Corporación soubo estar á altura das circunstancias e cando se tratan cousas boas para Ribadeo, alégrome e felicítoos a todos por estar no mesmo carro”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
