Nota de prensa:
Foz, Palas, Guntín e Sober son os destinos das rutas do programa Km0 da Deputación esta semana
– Catro colectivos veciñais de Antas, Monterroso, O Páramo e Lugo demandaron as viaxes, programadas para entre este martes e mañá
– Integrantes da Asociación de Santa Mariña e Senande de Antas de Ulla e da de veciños de Monterroso visitaron hoxe diversos lugares de interese do concello focense e do seu entorno tras ser recibidos en San Marcos por Díaz Valiño
Os municipios de Foz, Palas, Guntín e Sober son os destinos das rutas do programa medioambiental Km0 da Deputación organizadas para esta terceira semana de abril. As viaxes foron demandas por colectivos veciñais de Antas de Ulla, Monterroso, O Páramo e da parroquia lucense de Bóveda, e desenvolveranse entre este martes e mañá mércores. Esta semana non haberá saídas o xoves, como vén sendo habitual, por ser festivo.
As rutas da xornada de hoxe fixéronas a Asociación de Santa Mariña e Senande de Antas de Ulla e a de veciños de Monterroso e discorreron por diversos lugares de interese do Concello de Foz e o seu entorno. Ambos colectivos foron recibidos no salón de actos do Pazo de San Marcos polo Deputado da Rede Viaria Provincial, Juan José Díaz Valiño. Despois, 48 integrantes da agrupación de Antas desprazáronse ó Centro de Artesanía e Deseño (CENTRAD), comeron no restaurante focense “Leyton” e visitaron a basílica de San Martiño de Mondoñedo, a capela e a área recreativa de Bispo Santo e, finalmente, as instalacións da fábrica “Pescados Rubén”. En canto ó grupo de veciños de Monterroso, formado por 48 persoas, coñeceu a olería de Bonxe, comeu no restaurante “Vila do Val” de O Valadouro e paseou polas praias de Polas e Xuncos, o porto de Nois e o castro de Fazouro.
Mañá mércores haberá unha saída por Palas e Guntín, que farán 48 membros da Asociación de Veciños Augas Férreas do Páramo e consistirá nunha visita ó Centro de Interpretación do Río Rato, ó castelo de Pambre e os arredores, Pazo de Vilane, Mosteiro de Vilar de Donas e Ferreira de Pallares. A comida terá lugar no restaurante “Para das Bestas”, no núcleo de Pidre. Está previsto así mesmo outro percorrido pola Ribeira Sacra, que solicitou a Asociación de Mulleres Rurais A Landra de Santa María de Bóveda, en Lugo. Participarán 48 persoas, que se desprazarán a Burneiros e A Fervenza, comerán en “A Cantina”, darán un paseo por Pena do Castelo, farán unha travesía en catamarán e coñecerán a bodega “Regina Viarum”, onde gozarán dunha degustación.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
