Nota de prensa
A Fundación TIC elaborará un vídeo sobre o cásting do que sairán os participantes no XX Festival do Landro
– Os 15 aspirantes farán as probas de selección, correspondentes á categoría de intérpretes, este domingo no teatro Pastor Díaz de Viveiro
– O acto estará aberto ó público e constitúe a antesala do certame, que terá lugar os días 30 e 31 de xullo na Praza Maior
Un equipo de alumnos e profesionais da Fundación TIC, dependente da Deputación de Lugo, elaborará un vídeo sobre o cásting do que sairán os participantes do Festival da Canción do Landro de Viveiro, que neste 2011 cumpre o seu vixésimo aniversario e se celebrará os días 30 e 31 de xullo na Praza Maior. As probas terán lugar este domingo, no teatro Pastor Díaz da cidade mariñana. O traballo audiovisual que edite a Fundación TIC será entregado á organización do certame, que corre a cargo da Concellaría de Turismo de Viveiro, ós propios intérpretes e ós medios de comunicación.
A xornada do cásting comezará pola mañá coas probas de son e os ensaios. Pola tarde terán lugar as actuacións dos 15 aspirantes, que interpretarán cada un dúas pezas. Esta parte está aberta ó público.
Estas probas correspóndense coa modalidade de interpretación do certame, pois para a outra, de canción inédita en galego, non hai cásting, senón que un xurado fai a selección valorando os CDs e as partituras coa letra e a música das pezas que envíen os inscritos. En cada modalidade participan 5 artistas e o primeiro clasificado de cada unha recibirá un premio de 3.600 euros.
O Festival da Canción do Landro é un referente en Galicia e nel teñen participado artistas cuxo nome ten hoxe proxección a nivel nacional, como é o caso de Lucía Pérez, a candidata de España ó Festival de Eurovisión, que actuou no concurso de Viveiro en tres ocasións, gañando na última. Tamén o fixo en 2009 e o 2010 o aresán Enrique Ramil Bastida, concursante na edición deste ano do programa televisivo Operación Triunfo. De feito, a organización ten intención de invitalo á edición do Festival do Landro deste 2011. A gala final, que se celebra a finais de xullo, abarrota a Praza Maior de público chegado de tódalas partes da provincia e mesmo do resto da comunidade galega.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros. Ademais, a área de Rural dá apoio organizativo e loxístico á Gran Feira Tradicional de Gando e achega á Mondoñedo a exposición fotográfica "Gardiáns" de Jorge Arévalo, que mostra o traballo en ganderías de razas autóctonas e a pegada dos animais na cultura galega desde o punto de vista documental e creativo. A exposición poderá verse no Pazo de San Tomé ata o 15 de novembro.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
