Nota de prensa
As actividades terán lugar nunha carpa instalada no bulevar arborado da nova praza pública dos Campos en San Ciprián
CERVO CELEBRA O DÍA DO XUBILADO COA PARTICIPACIÓN DE 650 VECIÑOS
O domingo 1 de maio terá lugar ás 12.30 horas a sesión vermú, un xantar de confraternidade e a entrega de premios e sorteos
A edil de Benestar, Pilar Armada, agradece a implicación do persoal do concello que fará posible que esta actividade sexa todo un éxito, ademais da colaboración das empresas que cederon os premios dos sorteos
Cervo, 29 de abril de 2011.- O domingo 1 de maio como vén sendo habitual o Concello de Cervo celebrará o Día do Xubilado. O departamento municipal de Benestar organizou un variado programa de actividades que inclúe unha sesión vermú, desde as 12.30 horas, coa orquestra Los Player´s e, a partir das 14.30 horas, unha multitudinaria comida de confraternidade na que se fará entrega dos premios dos diversos campionatos organizados co gallo deste día festivo así como terán lugar tamén varios sorteos.
Segundo explicou a edil de Benestar, Pilar Armada, está prevista a participación de preto de 650 xubilados procedentes de todo o termo municipal para cuxo desprazamento o Concello de Cervo habilitou unha liña de transporte gratuíto. Este ano a novidade principal radica no lugar no que terán lugar os distintos eventos xa que os xubilados cervenses estrearán a nova praza dos Campos. O Concello instalou para este efecto unha carpa no bulevar arborado da nova praza pública.
ENTREGA DE PREMIOS.
Nesta ocasión os premiados no campionato tute son:
Primeiro clasificado: Josefa Núñez e Ángeles Bermúdez.
Segundo clasificado: Adelina Fernández e Lidia Pernas.
Os que recibirán o seu premio no campionato de parchís son:
Primeiro clasificado: Josefa Núñez e Ángeles Bermúdez
Segundo clasificado: Berta Pérez e Clara Rey
Terceiro clasificado: Villa Gallego e Pilar Gallego.
Cuarto clasificado: Elena Fernández e Mari Carmen Ramos
EXCURSIÓNS
O Departamento de servizos sociais aproveitará o Dia do Xubilado para distribuír información respecto das excursións que ten previsto desenvolver o concello no mes de xuño, unha delas a Santiago de Compostela para visitar a Catedral e o Parlamento de Galicia e outra á Semana Verde de Silleda.
AGRADECEMENTOS
Pilar Armada quixo agradecer e facer unha mención expresa ás empresas que cederon os premios dos sorteos que se desenvolverán ao longo do día: Cerámica de Sargadelos, Cerámica Gundín, Autos Rodríguez e Cesáreo Eijo. Pero tamén tivo un agradecemento moi especial dirixido a todo o persoal municipal que colaborará co seu traballo para facer posible esta actividade: auxiliares de axuda a domicilio, traballadores de Protección Civil, da Policía Local, o encargado xeral e o persoal que na actualidade desempeña o seu traballo na área de Servizos Sociais: Reyes, Sandra, Mali, Bibiana, Elísabet e as integrantes da Secretaría de Alcaldía.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
