O voceiro popular considera que a imaxe que está trasladando é “verdadeiramente lamentable”. “Os turistas que chegan a Foz atopan un edificio público en estado de abandono, o que transmite a sensación dun pobo descuidado”, afirma
Foz, 12 de marzo de 2026. O voceiro do Partido Popular de Foz, Javier Castiñeira, denuncia o estado de abandono que presenta a fachada do edificio do Cenima, onde se atopa situada a oficina de turismo do municipio, completamente invadida polo verdín.
Segundo explica Castiñeira, esta situación non é nova, xa que o grupo popular leva máis de dous anos advertindo deste problema sen que o goberno local tomara medidas para solucionalo. “Xa o denunciamos hai máis de dous anos e, lonxe de mellorar, todo vai a peor”, sinala.
O portavoz popular lembra que o Cenima é un edificio singular de Foz no que, ademais da oficina de turismo, tamén se atopan A Mariña Virtual e o Centro de Interpretación da Mariña. Trátase, polo tanto, dun espazo ao que acoden numerosos visitantes para solicitar información non só do municipio, senón de toda a comarca.
Neste sentido, Castiñeira considera que a imaxe que se está trasladando é “verdadeiramente lamentable”. “Os turistas que chegan a Foz atopan un edificio público en estado de abandono, o que transmite a sensación dun pobo descuidado”, afirma.
O voceiro popular advirte ademais de que Foz está a piques de iniciar a tempada turística coa chegada da Semana Santa, unha época na que o municipio recibe numerosos visitantes. “Un ano máis imos atoparnos cunha oficina de turismo totalmente abandonada xusto cando comeza a chegar a xente ao noso pobo”, critica.
Desde o PP consideran que esta situación é unha mostra máis da falta de xestión do equipo de goberno municipal. “Mentres se dedican a manter a súa imaxe a base de publicidade e vídeos con alto contido propagandístico, a realidade do pobo é ben distinta”, indica Castiñeira.
O portavoz do PP pon como exemplo outros edificios municipais que tamén presentar problemas de mantemento, como a Casa do Concello ou a Casa da Cultura. “Poden poñer como escusa a falta de orzamentos, algo que o Partido Popular leva reclamando durante este último ano, pero o que vemos é unha desidia xeralizada na xestión municipal”, afirma.
Por último, desde o PP de Foz piden ao goberno local que aproveite os días previos a Semana Santa para actuar no edificio do Cenima. “Pedimos que se pinte e se lle dea un lavado de cara para evitar que, unha vez máis, a imaxe de Foz se vexa danada por esta falta total de mantemento”, conclúe Castiñeira.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
