Nota de prensa:
A Deputación impulsará unha empresa pública que coordine a comercialización e promoción turística de Lugo
– Besteiro e Buján avanzaron que este novo modelo de coordinación turística na provincia buscará a excelencia e a máxima calidade do sector
– O organismo provincial liderará e aportará a maioría do capital da empresa pública que estará aberta á participación de todo o sector turístico e ofrecerá colaboración á Xunta
– As últimas enquisas da Deputación revelan que o turista que vén a Lugo é fiel, repite unha media de 3 veces, predomina o turismo familiar –precisamente o máis emerxente- e destaca a natureza como maior atractivo
O Presidente da Deputación, José Ramón Gómez Besteiro, e a Vicepresidenta Terceira e responsable da área de Turismo, María Xosé Vega Buján, anunciaron este vernes a creación dunha empresa pública que coordine a comercialización e promoción turística da provincia lucense. Trátase dun novo modelo de coordinación turística en Lugo aberto á participación de todo o sector, que impulsa a institución provincial logo de manter intensas reunións co sector público-privado e plasmar as súas demandas, e que buscará a excelencia e a máxima calidade co fin de rentabilizar o turismo do xeito máis profesional.
Gómez Besteiro salientou que logo de “analizar de abaixo a arriba o sector público e privado, concluímos que esta entidade é o instrumento máis axeitado para insistir na promoción e comercialización do turismo lucense. Será unha empresa pública onde a maior parte do capital o aportará a Deputación pero onde terán cabida os Concellos, as distribuidoras de turismo, todas as empresas que o desexen… co fin de ser máis competitivos”. Vega Buján subliñou que “cando todo o turismo de sol e praia cae en España, a provincia de Lugo ten un turismo emerxente que queremos consolidar e aumentar. Para elo, mantivemos reunións cos municipios e empresas privadas, distribuídas en 6 áreas xeográficas. A conclusión foi que temos que traballar en 2 esferas: a promoción de Lugo como un produto único e a súa comercialización. Temos que facer negocio porque o turismo é peza clave da económica da provincia. Sen embargo, existe un baleiro neste senso, e o sector ten moi claro que eles non poden liderar este proxecto xa que cómpren da axuda da administración”.
Xestión e reunións
A Deputación acordou co sector turístico público e privado liderar esta entidade como institución que representa á provincia e respostando á demanda plantexada por eles mesmos. Será por tanto, quen aporte a maioría do capital na futura empresa. Non obstante, o proxecto estará aberto á participación de todo o sector. A súa participación realizarase por exemplo, mediante o pago de servizos como apuntaron varias empresas privadas nas reunións previas. Por exemplo, unha tarifa por participar nunha central de reserva provincial na que a empresa percibiría unha porcentaxe por realizar o servizo.
A creación desta empresa pública é o resultado da celebración do 1º Congreso de Turismo na provincia, “Destino Lugo”. Foi neste encontro no que prestixiosos representantes do sector a nivel europeo e nacional avaliaron todos os tipos de xestión turística existentes co fin de comezar a definir o mellor para a provincia. Lugo é unha provincia emerxente en termos turísticos xa que, cun 16,19%, foi a provincia galega onde máis se incrementou o turismo o ano pasado. Tendo en conta estas cifras, no Congreso púxose de relevo a necesidade de crear un ente pola iniciativa público e privada para impulsar o turismo na provincia e incrementar o número de visitantes.
Deste xeito, tal e como se comprometeron Besteiro e Buján, dende marzo celebráronse distintas mesas co fin de formar conxuntamente un novo modelo de coordinación do turismo. Houbo 6 reunións con representantes do sector privado da Mariña, A Montaña, Ribeira Sacra, A Ulloa e Terras do Miño desglosando a cidade e o restantes territorio. Estes manifestaron que era imprescindible a coordinación e a comercialización de Lugo como produto turístico. Neste senso, puntualizaron que non o poden facer en solitario pero si están dispostos a colaborar economicamente. A Deputación tamén mantivo encontros cos Concellos queñes subliñaron a necesidade de aforrar nesta materia mediante un traballo coordinado. Ademais, consideran moi positiva a comercialización, para o que ven imprescindible a coordinación que, segundo eles, debería estar liderada pola Deputación.
Tendo en conta todas as demandas, técnicos provinciais, economistas e expertos turísticos concluíron que: o traballo de cooperación cos Concellos é o obxectivo da Deputación polo que hai que reforzalo; as empresas teñen que comercializar Lugo buscando a excelencia turística, e o novo ente non se podería entender sen a presencia destacada da cidade de Lugo. A conclusión foi a creación dunha empresa pública liderada pola institución provincial que coordine a comercialización e promoción turística da provincia lucense.
Perfil do turista
O organismo provincial segue a estudar as posibilidades e necesidades do sector. As últimas enquisas realizadas sobre un campo de 8.000 persoas para coñecer o perfil do turista que visita Lugo revelan que: o cliente de Lugo é fiel, só un 1% di que non voltaría, fronte ó 99% que repetiu ata en 3 ocasións; as estancias son de curta duración pero repetitivas; o público maioritario é familiar precisamente, un tipo de turismo emerxente neste momento, seguido de parellas e, máis lonxe, de amigos; identifican Lugo con natureza, gastronomía e, en terceiro lugar, monumentos; aínda non vinculan o mar, a aventura e o deporte á provincia de Lugo. As zonas máis coñecidas son A Mariña e a Ribeira Sacra, xunto á propia capital e, curiosamente, Os Ancares gozan de popularidade malia que non ocorre o mesmo do O Courel.
Resultados no 2010
Lugo foi a provincia galega que experimentou o maior incremento no número de viaxeiros durante 2010 cun 16,19%. Segundo datos do Instituto Nacional de Estatística, esta porcentaxe sitúase no 14,45% na Coruña; 9,80% en Pontevedra; e 3,60% en Ourense. Foi ademais, a provincia na que o número de visitantes se distribuiu de maneira máis equitativa. Do total de 483.119 persoas que pernoctaron durante 2010, o 19,98% fixoo na capital, e o 80,02% no resto da provincia.
A Deputación desenvolvou ó longo deste ano iniciativas destacadas como o Galaico Expreso, o tren que o organismo provincial ofreceu como alternativa ós catamaráns ante o baleiro do Sil que levou a cabo Iberdrola, e co que logrou pasar dos 1.500 visitantes á Ribeira Sacra ós 20.000; o Barco Muralla de Lugo, a aula turístico medioambiental que está a percorrer o país; o Lugo Terra, o bus que promocionou a provincia por toda a península; ou a certificación medioambiental de 21 areais lucenses que converteron á Mariña na 3º costa de España co maior número de praias de auténtica calidade, avaladas pola Unión Europea.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
