Nota de prensa:
O BNG PORÁ EN PRÁCTICA OS ORZAMENTOS PARTICIPATIVOS E PERMITIRÁ O CONTROL E A PARTICIPACIÓN VECIÑAL EN ASUNTOS TRASCENDENTAIS DA VIDA MUNICIPAL
Estúa anuncia que o BNG considera fundamental a participación veciñal e a democratización da administración municipal para recuperar a confianza da xente nas institucións e na clase política
Os nacionalistas porán en marcha mecanismos de control e participación da cidadanía que aporten transparencia na xestión municipal.
Cervo, 12 de maio de 2011. O BNG explicou hoxe que a democratización na xestión dos recursos municipais e fundamental para recuperar a confianza da cidadanía nas institucións e na propia clase política. Neste sentido o candidato nacionalistas á alcaldía cervense, anunciou que o BNG creará un regulamento de participación cidadá onde as diferentes entidades asociativas do municipio terán voz e voto. Na mesma liña porán en marcha os orzamentos participativos que permitirá á cidadanía decidir cales son as prioridades de investimento nas súas parroquias ou núcleos de poboación, ano a ano.
Regulamento de Participación Veciñal e Orzamentos Participativos.
O candidato á alcaldía nacionalista, Xoán Antón Estúa, explicou hoxe que o BNG garantirá a participación democrática da cidadanía na toma de decisións e control da administración local, “poñendo en marcha os orzamentos Participativos onde a xente decidirá as prioridades de investimento dunha parte do orzamento municipal parroquia a parroquia.” . O nacionalista explicou que se creará un Regulamento de Participación Veciñal e promoverase a creación de entidades asociativas, onde non existan, para ter interlocutores válidos que teñan como función principal a defensa dos territorios onde operen e sexan representativas do conxunto da sociedade no órgano de decisión que será ordenado polo Regulamento de Participación Veciñal de nova creación.
A participación democrática da cidadanía non pode circunscribirse unicamente aos procesos electorais.
Para os nacionalistas “é fundamental para recuperar a confianza da cidadanía nas institucións que os gobernan e na propia clase política, crear dinámicas e mecánicas que propicien a participación directa e diaria da xente no control, consulta e toma de decisións sobre asuntos que lle competen”. Para Estúa “a participación democrática da cidadanía non pode circunscribirse unicamente aos procesos electorais, isto ten que ser unha cuestión cotiá”
Recuperación do Consello Municipal do Ensino e creacións da Muller, Deporte e Cultura.
Na mesma liña de participación democrática, o BNG recuperará o funcionamento do Consello Municipal do Ensino e promoverá a creación do da Muller o Deporte e a Cultura como entidades consultivas á hora de elaborar proxectos, planos e orzamentos para por en práctica as políticas municipais dirixidas a estes ámbitos sociais.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
