Nota de prensa
In Lugo acolle a presentación dun novo servizo de atención a maiores e dependentes a través de Internet
– Unha vintena de traballadores sociais e representantes de empresas acudiron á demostración, que responde ós obxectivos do centro de desenvolver e probar novidosos produtos e servizos que axuden a mellorar a calidade de vida das persoas
– Un grupo de investigación da Universidade da Coruña deseñou o dispositivo presentado, que posibilita ós usuarios manter a través da Rede unha comunicación audiovisual directa e as 24 horas do día cun servizo asistencial
– O Centro de Innovación Social organiza o sábado un taller gratuíto para ensinar a empresarios e emprendedores como sacarlle o máximo proveito ó uso dos blogs no seu negocio. Hai 50 prazas dispoñibles
O Centro de Innovación Social In Lugo acolleu este martes a presentación dun novo servizo de atención domiciliaria dirixido ás persoas maiores e dependentes baseado en Internet. Trátase dun dispositivo denominado “Telexerontoloxía” que foi desenvolvido pola Facultade de Ciencias da Saúde da Universidade da Coruña co financiamento do Ministerio de Traballo, e que permite ós usuarios manter unha comunicación audiovisual directa e permanente -as 24 horas do día- cun servizo asistencial a través da Rede, utilizando para elo a liña de teléfono convencional e o televisor. Entre outras posibilidades, poden realizar consultas médicas en directo, sesións de rehabilitación e exercicios, ser valorados por persoal médico ou facer chamadas de emerxencia. O servizo tamén inclúe un sistema de localización e telealarma.
A Vicepresidenta Segunda da Deputación, Lara Méndez, recibiu á vintena de persoas que asistiron á demostración, entre traballadores sociais de seis concellos da provincia, representantes de empresas e integrantes de diversos colectivos, entre eles Cruz Vermella. A sesión responde ós obxectivos de In Lugo, impulsado pola Deputación, de desenvolver e probar novidosos produtos e servizos que axuden a mellorar a calidade de vida das persoas.
O catedrático de Xerontoloxía e Xeriatría José Carlos Millán Calenti, director do grupo de investigación que deseñou o dispositivo, foi o encargado de facer a presentación. Este novo servizo de atención domiciliaria está deseñado, desenvolvido e fabricado en Galicia e nace froito da evolución da teleasistencia clásica, apoiándose nos avances das tecnoloxías da información e a comunicación. Coa súa implantación favorécese que as persoas maiores e dependentes pasen máis tempo no seu domicilio, evitando o seu internamento en centros residenciais.
Este é o segundo servizo que se presenta no Centro de Innovación Social (CIS), trala demostración celebrada en febreiro da aplicación “Cuidado myJoice”, ideada pola empresa lucense Colabora Ingenieros, que permite ó usuario ver na pantalla da televisión a foto da persoa que o está chamando por teléfono e falar con ela, sen ter que moverse do sofá ou da cama.
Catro talleres esta semana
Co fin de achegar as novas tecnoloxías ós lucenses, fomentar o envellecemento activo e impedir o illamento dos veciños da provincia, In lugo -promovido polo organismo provincial e cofinanciado polo Ministerio de Industria nun 88,9% a través do Plan Avanza- organiza actividades de formación e divulgativas totalmente gratuítas e dirixidas a todos os públicos. Esta semana haberá catro cursos:
– Taller de iniciación á informática: Comezou o luns e continuará hasta mañá, en horario de 16:00 a 18:00 horas. Ten 15 prazas.
– Taller para aprender a manexar o e mail e os buscadores de Internet: O mércores e o xoves, de 12:00 a 13:00 horas. 15 prazas.
– Taller de redes sociais: De mércores a venres, en horario de 10:00 a 12:00. 15 prazas.
– Curso de OpenOffice: Entre o mércores e o venres, de 18:00 as 20:00 horas. 15 prazas.
Ademais, o sábado, a partir das 11:00 horas, celebrarase unha xornada na que se mostrará a empresarios e emprendedores como manexar un blog e como sacarlle o máximo proveito para o seu negocio, pois trátase de plataformas que permiten fidelizar clientes e manter unha interacción continua con eles. A actividade, que conta con 50 prazas, é gratuíta. Será impartida por Pedro Silva, o creador de “blogagliza.org”, un dos maiores xestores de bloques de todo o país e o maior nos de idioma galego.
Por outra banda, mañá mércores concluirá o curso de fotografía réflex que se viña impartindo dende o pasado 2 de maio no telecentro da Fonsagrada.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
