Nota de prensa
O Arquivo da Deputación comezará a funcionar na primeira quincena de maio no Hotel Miño
– A Xunta de Goberno aproba o proxecto de adecuación do edificio 3 no que se instalarán os 14 empregados que se contratarán co Lugo Emprega, os da Axencia Provincial da Enerxía e os da brigada de mantemento
– O organismo provincial continúa cos avances do traslado da UNED ó inmoble da Tolda e dá o visto e prace á demolición do edificio 2 para situar o aparcadoiro da Universidade a Distancia
A Xunta de Goberno da Deputación aprobou este venres por valor de 221.585 euros proxecto de adecuación do edificio número 3 do Hotel Miño no que se instalarán os 14 empregados do Arquivo Provincial, que se creará ó abeiro do Plan Lugo Emprega, ademais dos 4 da Axencia Provincial da Enerxía e dos 10 da brigada de mantemento. Precisamente, hoxe mesmo, no Pazo de Feiras e Congresos, a partir das 17:00 horas, comezarase a desenvolver o proceso selectivo para os postos de traballo do Arquivo. Un total de 280 persoas optan a estes 14 empregos que ofrece plan de inserción laboral impulsado polo organismo provincial, e que se suman ós 4 traballadores que, na actualidade, prestan este servizo no Pazo de San Marcos.
Os novos contratados encargaranse de todas as tarefas correspondentes á dixitalización e catalogación da información. Deste xeito, incorporaranse 2 Licenciados en Xeografía, Humanidades e Documentación, posto para o que se presentaron 31 persoas; 2 operarios; praza á que optan outros 43 desempregados; e 8 auxiliares de Arquivo. Este é o posto que conta con máis aspirantes, un total de 206 persoas. A estes hai que sumarlles 2 auxiliares administrativos da cota de discapacitados, cuxas probas remataron esta semana.
Deste xeito, con este programa a Deputación, ademais de contribuír a reducir o desemprego na provincia, actúa nun ámbito que ó longo do tempo non tivo a atención que merece, non só como ferramenta administrativa, senón como medio de conservación da historia da institución e, por tanto, da provincia. A vindeira semana, os que superen o tipo test, realizarán a entrevista persoal. O voceiro provincial socialista, Antonio Gato Seongas, explicou que a nota final será o resultado da suma das dúas probas, “polo que na primeira quincena de maio o Arquivo comezará a funcionar no Hotel Miño”.
Para iso, a Deputación xa iniciou o traslado esta semana, xa que o actual non reúne as condicións necesarias ó presentar problemas de humidade, o que dificultaba a conservación do material das máis de 12.000 unidades de instalación entre os tres depósitos que ten o Arquivo actualmente, que se sitúan 2 no Pazo de San Marcos e 1 no INLUDES.
Asimesmo, Antonio Gato lembrou que o organismo provincial vén de rematar as probas para as 7 últimas prazas do Lugo Emprega correspondentes á cota de discapacitados, e para as que se presentaron 79 desempregados da provincia. En ambos os dous casos, os novos contratados prestarán o seu servizo durante 6 meses.
O Plan Lugo Emprega, co que a Deputación reduciu o número de parados na provincia -segundo os datos oficiais publicados e entidades como a CEL-, ó tempo que incrementou a cooperación cos Concellos, está dotado con 8 millóns de euros. Desta cantidade, 250.000 euros é a partida que se destina á contratación dos 7 discapacitados e dos traballadores do Arquivo.
Avances para o traslado da UNED
Dentro do obxectivo de seguir avanzando no traslado da UNED ó Hotel Miño, a Xunta de Goberno aprobou a demolición do bloque número 2 do Hotel Miño por valor de 89.000 euros, o que permitirá que quede unha superficie de 1.900 metros cadros onde se situará o aparcadoiro dos máis de 1.500 estudantes cos que conta na actualidade a Universidade a Distancia. A este respecto, Antonio Gato subliño que “esta era unha débeda histórica que saldou este equipo de goberno coa provincia. Agora os veciños e as veciñas da provincia xa non teñen que ir estudar fóra para cursar os seus estudos e Lugo deixou de ser a única capital de provincia sen este servizo. Deste xeito, ponse en valor o Hotel Miño, que foi adquirido polo organismo provincial en 1984, facéndoo útil á provincia, xa que nunca cumpriu os fins para os que foi comprado.
Outros acordos da Xunta de Goberno
Deuse conta do decreto de presidencia polo cal se aproba a encomenda de xestión da Deputación a SUPLUSA para o investimento de 4.300.000 euros na construción das residencias da terceira idade e centros de día de Fonsagrada e Pobra de Brollón e para a adquisición de terreos en Monforte de Lemos para a instalación da factoría Paladar.
Antonio Gato lembrou que, precisamente, o Presidente asinou este mércores o convenio para a construción da infraestrutura da Montaña este mércores, a través do cal o organismo provincial inviste 2,1 millóns de euros nesta infraestrutura. No caso da de Pobra de Brollón o orzamento é de 1.200.000 euros, e da actuación levada a cabo para o desenvolvemento na cidade do Cabe de 1 millón. Esta última, permitirá dar traballo a 100 persoas no sur da provincia.
Asimesmo, deuse o visto e prace a 6 contas xustificativas do Plan de Comunidades Veciñais de 2010. Suman un total de 47.343 euros, dos que a Deputación achega 35.405. Pertencen ós Concellos de Palas de Rei (2), Láncara, O Páramo, Baralla e Pol. O equipo de goberno tamén aprobou o convenio co Concello de Sarria co obxecto de colaborar no financiamento dos gastos derivados da inclusión deste municipio como cabeceira da etapa na Volta Ciclista a España, na etapa número 13, que se desenvolverá o 2 de setembro. A cantidade que se outorga para a celebración deste evento é de 30.000 euros.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
