O PSOE afirma que a unica actuación de Portos na provincia de Lugo é a demolición da lonxa de San Cibrao

Nota de prensa

Debate no Parlamento

ISMAEL REGO AFIRMA QUE A UNICA ACTUACIÓN DE PORTOS NA PROVINCIA DE LUGO É A DEMOLICIÓN DA LONXA DE SAN CIBRAO

-O deputado do PSdeG-PSOE Ismael Rego cualificou de falcatruada e gamberrada institucional as actuacións da Xunta nos portos de Viveiro e de Foz

– Preguntoulle “ onde esta o Plan de Usos do Porto de Foz que presentaron durante a campaña electoral?

-Denunciou que Portos de Galicia esta atacando a cidadáns mediante os responsables políticos onde non goberna o Partido Popular

Santiago, 26 de maio de 2011. O deputado do Grupo Parlamentario do PSdeG-PSOE Ismael Rego interveu hoxe na Comisión 8ª do Parlamento para reclamar explicacións sobre a situación na que se atopa o expediente de caducidade da concesión do Porto deportivo de Viveiro.

Lembrou que o pasado 28 de maio de 2010 Portos de Galicia acordou a incoación do expediente de caducidade da concesión administrativa outorgada ao Concello de Viveiro para a construcción e explotación de instalacións náutico-deportivas no porto.

Subliña tamén que a xustificación que se utilizou na resolución constata que tiña que “garantir a prestación dos servicios de interese publico imprescindibles para o funcionamento do porto dentro dos parámetros que esixe a normativa de aplicación, particularmente no que atinxe á normativa tarifaría, de policía e de seguridade portuaria e medioambiental”.

Alí denunciou que a Xunta de Galicia privou ao Concello de Viveiro de ofertar servicios relacionados coas actividades nautico-deportivos, e consecuentemente co sector turístico da Comarca do Landro. Ademais dixo que a nova concesión foi realizada a dedo e insistiu “a un amiguete do Director Xeral de Portos”. E preguntoulle porque anulou o expediente de caducidade e ademais o mesmo día que o anulou “fixo outro novo”, por iso augurou “fraude de lei”, neste asunto “por iso espero que a Xustiza o poña no seu sitio” . A maiores lembrou que esta concesión foi outorgada a “unha persoa particular”, algo que cualificou como “ unha falcatruada administrativa”.

Ademais aludiu as protestas dos usuarios que sinalan que esta nova concesión non están dando os servicios pertinentes, xa que afirma “so esta para lucrarse”. Denunciou que Portos de Galicia esta atacando a cidadáns mediante os responsables políticos onde non goberna o Partido Popular.

Dragado do Porto de Foz

Na citada comisión Rego tamén reclamou explicacións sobre o dragado do Porto de Foz. O deputado explicou na súa intervención que o dragado do Porto de Foz é unha necesidade obxectiva para posibilitar a súa utilización, xa que na actualidade sufre graves limitacións para a entrada de todo tipo de embarcacións.

O deputado do PSdeG-PSOE replicoulle ao Director de Portos “si a actuación no porto de Viveiro foi unha falcatruada, no de Foz foi unha autentica gamberrada, espetou.

E preguntoulle si as obras realizadas ata o momento no Porto de Foz “custaron 250.000 euros, ou si esas cifras son o custo do proxecto de dragado integral que anunciou que se aprobara nos próximos días”. E insistiu “e onde esta o Plan de Usos do Porto de Foz que presentaron durante a campaña electoral?.

A maiores Rego lembroulle que a súa única actuación na provincia de Lugo foi tirar a lonxa de San Cibrao “porque ían facer unha goleta e agora quedamos sen goleta e sen lonxa”, sentenciou.