Nota de prensa
O Centro de Innovación Social ofrece unha xornada divulgativa sobre os coidados a dependentes
– Unha quincena de persoas, entre traballadores sociais e representantes de asociacións, participaron na actividade, que consistiu nunha conferencia e unha demostración sobre distintas axudas técnicas ó alcance dos coidadores
– In Lugo ten en marcha esta semana cursos sobre como crear un blog, o manexo de Open Office, fotografía dixital, “Lembranza Fotográfica” e uso do móbil
– O centro creado pola Deputación ten lista a programación de actividades para o mes de xuño, que inclúe 14 cursos, gratuítos e dirixidos a tódalas idades
O Centro de Innovación Social In Lugo ofreceu este mércores pola tarde unha xornada divulgativa sobre coidados a persoas con algún tipo de dependencia física. A actividade celebrouse nas instalacións do centro, situadas na Praza Frei Plácido Rei Lemos, e reuniu a unha quincena de persoas, entre traballadores sociais e representantes de asociacións que tratan con dependentes. En primeiro lugar houbo unha conferencia, a cargo de Noemí Vargas, fisioterapeuta e psicóloga, e nunha exposición de distintos medios técnicos ó alcance dos coidadores, desenvolvida pola empresa Minusval Galicia.
In Lugo, un servizo pioneiro no Noroeste español creado pola Deputación de Lugo, ten por outra banda en marcha esta semana cinco cursos: sobre o manexo de Open Office, sobre como crear un blog e de “Lembranza Fotográfica” (consistente na creación dun blog con fotos antigas e actuais), os tres impartidos entre o luns e hoxe; de fotografía dixital, que comezou o luns e continuará hasta o 3 de xuño, entre as 12:00 e as 14:00 horas; e sobre o uso do teléfono móbil, que terá lugar mañá venres, de 16:00 a 18:00 horas. A próxima semana, entre os días 30 e 31, de 16:00 a 18:00 horas, impartirase outro obradoiro sobre o manexo do correo electrónico e os buscadores de Internet.
O centro tamén ten preparado xa a programación de actividades do mes de xuño, que inclúe 14 cursos, gratuítos e dirixidos a tódolos públicos. Entre eles, figuran un sobre o DNI Electrónico, a chave que deben utilizar os usuarios para acceder á Administración Electrónica; dous de iniciación á informática; un acerca do correo electrónico e os buscadores de internet; un de redes sociais; un de xestión de arquivos; dous sobre o manexo do móbil; un de creación de blogs; un de fotografía réflex; dous sobre o programa informático Open Office; un de busca activa de emprego, e un de seguridade en internet.
As persoas que estean interesadas en participar nos obradoiros do Centro de Innovación Social (CIS) poden informarse ou inscribirse nas súas instalacións, en horario de 9:00 a 21:00 horas, de luns a venres; os sábados, de 10:00 a 14:00 e de 16:00 a 20:00, e os domingos, entre as 10:00 e as 14:00 horas; entrando na súa páxina web (www.inlugo.deputacionlugo.org) ou ben enviando un correo electrónico a inlugo@deputacionlugo.org
Formación on line
Ademais da modalidade presencial, existe a posibilidade de facer cursos on line, de diversas temáticas, como alfabetización informática, imaxe e son, iniciación ó deporte, Internet, orientación sociolaboral, ofimática e redes sociais, entre outros. Para poder participar, é necesario darse de alta como usuario da aula virtual, entrando na web www.inlugo.deputacionlugo.org descargar un formulario de inscrición, cubrilo e envialo á dirección de correo electrónico inlugo@deputacionlugo.org O usuario recibirá despois outro e-mail coas claves de acceso para cada curso solicitado.
Tódalas actividades, presenciais e on line, son gratuítas, pensadas para tódolos públicos, e están encamiñadas a achegar as novas tecnoloxías á poboación, sobre todo ós colectivos máis desfavorecidos, contribuíndo a eliminar a fenda dixital na sociedade lucense, favorecer o envellecemento activo e eliminar o illamento dos veciños da provincia.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
