O alcalde de Barreiros di que a aprobación do plan sectorial por parte da Xunta e unha “boa nova”

Nota de prensa

ALFONSO FUENTE SUBLIÑOU QUE A APROBACIÓN DO PLAN SECTORIAL POR PARTE DA XUNTA É UNHA BOA NOVA PARA O CONCELLO E AGRADECÉULLE AO PRESIDENTE QUE NON INTERFERISE CON ESTE TEMA NA CAMPAÑA ELECTORAL.

Barreiros, 26 de maio de 2011. O alcalde de Barreiros, Alfonso Fuente, subliñou que a aprobación do plan sectorial por parte da Xunta é unha boa nova para o concello e agradeceúlle ao presidente Núñez Feijoo que non interferise con este tema na campaña electoral.
O rexedor dixo que “a Xunta ven dar luz verde ao plan sectorial de Barreiros como estaba previsto no mes de maio e tal e como se tiña comprometido o presidente da Xunta. Agradecer a todo o goberno que esto saia para adiante, esto posibilitará que o convenio que se ten firmado tanto coa Xunta como coa Deputación desde o Concello sexa unha realidade. Si ben este convenio ten un prazo de execución de tres anos agardamos que no 2013-14 poidamos xa ver os seus resultados”. Fuente Parga sinalou que “eses 14 millóns de euros de investimento para a mellora de saneamento, abastecemento, beirarrúas, iluminación… é unha boa nova para o noso concello”.
O alcalde tamén lle agradeceu á Xunta de Galicia que “non quixera entrar con este tema na campaña electoral, senón que o deixou para este xoves despois de que tivesen pasado as eleccións municipais para que esto non interferise na campaña e que non se pensase que a Xunta e o PP sacaban esto adiante para apoiar a un alcalde. Os resultados electorais están aí e demostran que este convenio é bó para o concello, tiña que ser así, tiña que sair adiante e agora antes do 30 de xuño hai que aportar as partidas económicas para que xa se poida empezar a licitar obra”.