Nota de prensa:
ATA O 22 DE XUÑO ESTARÁ ABERTO O PRAZO DE INSCRICIÓN NO V CURSO TEMÁTICO DE VERÁN SOBRE EDUCACIÓN INFANTIL DA MARIÑA, QUE ORGANIZAN O IES DIONISIO GAMALLO FIERROS, A UNIVERSIDADE DA CORUÑA E O CONCELLO DE RIBADEO. A MÚSICA SERÁ A PROTAGONISTA DESTA EDICIÓN QUE TERÁ LUGAR OS DÍAS 25 E 26 DESTE MES.
Ribadeo, 2 de xuño de 2011. Ata o 22 de xuño estará aberto o prazo de inscrición no V Curso Temático de Verán sobre Educación Infantil da Mariña, que organizan o IES Dionisio Gamallo Fierros, a Universidade da Coruña e o Concello de Ribadeo. O curso titulado Educar a través do ritmo e a música na escola infantil terá lugar dos días 25 e 26 de xuño no Cine Teatro de Ribadeo.
Na presentación que tivo lugar este mediodía no salón de plenos do Concello o alcalde, Fernando Suárez, lembrou “a grande acollida que tiveron as anteriores edicións do curso con máis de 100 persoas matriculadas” e sinalou que “se trata dun intercambio de boas prácticas entre os profesionais do ensino infantil”. Manuel Yáñez, director do IES Dioniosio Gamallo Fierros, amosou a súa satisfacción “polos cinco anos de colaboración entre o Concello, o noso centro e a Universidade da Coruña para organizar este curso, que chega á súa quinta edición, e agardo que continuemos con este tipo de colaboración no futuro”. Yáñez destacou que “nesta ocasión abordaremos un tema importante como é a música, unha linguaxe universal, e as súas aplicacións no ensino cos nenos de 0 a 3 e de 3 a 6 anos”. Pola súa banda o director do curso, Xesús Ferreiro, subliñou as novidades deste 2011 que pasan pola celebración do curso no Cine Teatro de Ribadeo “debido ás obras que se están acometendo no IES Dionisio Gamallo Fierros. Aumentamos as prazas, xa que en edicións anteriores contabamos cunhas 111 persoas e había xente que quedaba fora, entón este ano son 125 as prazas que ofertamos. O prezo da matrícula para o público xeral baixa un pouco e sitúase nos 20 euros”. A matrícula deberá formalizarse na secretaría virtual da Universidade da Coruña.
O V Curso Temático de Verán sobre Educación Infantil da Mariña contará o 25 de xuño con cinco relatorios didácticos que correrán a cargo de Fernando Marta Sevilla, de Gloria Mosquera Real (membro de grupo musical Mamá Cabra), de Susana Herrera Ruíz e de Tomás Rábanos Muro. E xa o domingo 26 de xuño será o momento para escoitar a Mini e Mero e a Inma Hernán López. Ao longo das dúas xornadas abordaránse aspectos como a implicación das familias na educación infantil de 0 a 3 anos a través da música; cantar e contar para os máis pequenos: a voz como instrumento básico; a formación musical de profesionais da educación infantil na universidade; cóntame un conto cantado e a danza e a música como recursos para educar no ciclo de 3 a 6 anos.
O evento foi presentado hoxe polo alcalde de Ribadeo, Fernando Suárez, a concelleira de Muller, Educación e Cultura, Mariluz Álvarez Lastra, o director do IES Dioniosio Gamallo Fierros Manuel Yáñez e polo director do curso Xesús Ferreiro.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
