NOTA DE PRENSA
Tradicionalmente medios da Xunta de Galicia colaboran nestas tarefas pero este ano, pese a que consta o ofrecemento da Consellería do Mar, a día de hoxe non se obtivo resposta por parte da Administración central
O GRUPO POPULAR SINALA A SÚA PREOCUPACIÓN POLO DEFICIENTE OPERATIVO DISPOSTO POLO GOBERNO CENTRAL EN APOIO DA FLOTA BONITEIRA
• O voceiro do Mar do PPdeG , Jose Manuel Balseiro, denuncia que os medios do Ministerio non están a dar cobertura á flota na zona concreta onde están pescando
Santiago, 22 de xuño de 2011.- O voceiro do Mar do Grupo Parlamentario Popular, Jose Manuel Balseiro Orol, deu a coñecer a súa fonda preocupación, compartida tamén polo sector pesqueiro, ante o deficiente operativo disposto polo Goberno central en apoio da flota bonitera, pese a que fai semanas que comezou a súa campaña anual.
O parlamentario popular denunciou que os medios do Ministerio de Medio Ambiente, Medio Rural e Mariño non están a dar cobertura á flota boniteira na zona concreta onde se están a desenvolver as capturas. Esta situación non só está a xerar unha sensación de evidente desprotección dos traballadores desta flota, senón que ademáis suporía un obstáculo ante calquera operación de emerxencia ou salvamento que puidera ser necesario realizar de producirse algunha dificultade durante a costeira.
De xeito habitual o Ministerio de Medio Ambiente Medio Rural e Mariño viña despregando tanto medios aéreos como marítimos para verificar o movemento das distintas flotas, coordinar a vixilancia e prestar apoio aos tripulantes das embarcacións boniteiras. As devanditas funcións levábanse a cabo en coordinación coas distintas comunidades autónomas.
Jose Manuel Balseiro non comprende cales poden ser as razóns que levan ao Ministerio a non poñer en marcha o tradicional e completo operativo de apoio á flota bonitera e a facelo ademais sen contar coa Xunta de Galicia. Ao deputado popular cónstalle que a Consellería do Mar puxo a disposición do Goberno central os seus medios, como cada ano, pero que aínda hoxe non obtiveron resposta, polo que non están participando.
O parlamentario popular subliña ademais que esta situación é moito máis grave ainda cando existe constancia de que as embarcacións do Ministerio non acompañan á flota bonitera ata as mesmas zonas onde está a ter lugar a pesca deste túnido, isto é, as embarcacións navegan sen a habitual asistencia.
Jose Manuel Balseiro pide ao Ministerio que corrixa esta situación de aparente abandono da flota boniteira, acompañe ás embarcacións pesqueira e as sirva de apoio.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
