Nota de prensa
O Portavoz do Grupo Municipal do PSOE de Foz manifesta que o que e evidente non ten modificación, os Gobernos que presidiu , José María García Rivera, en materia Sanitaria experimentouse un avance considerable, e o que está a facer o Goberno do PP no noso Concello en materia Sanitaria e un claro e rotundo retroceso, e nos explicamos:
Cando José María García Rivera, toma as riendas do Concello de Foz polo ano 1995, os Focenses e visitantes tiñan que visitar a Casa do Mar para poder recibir asistencia Médica, coas salas saturadas e con problemas de cabida para tanta afluencia.
O Alcalde axudado polos seus equipos de Goberno ,comeza a planificar o que debe de ser a asistencia correcta e digna dos Focenses, así se compran un solar na Rúa Pintor Laxeiro, onde actualmente está o Centro de Saúde, terreos comprados con moita dificultade por estar as arcas do Concello moi necesitadas de liquidez, así se chega a construír o actual Centro de Saúde e se trasladan as consultas da Casa do Mar
para o novo centro, despois viñeron as loitas polo PAC, desgraciadamente non se conseguiu tal servicio e culpa deso teno a Clase Política sen distincións.
Pero si o Alcalde consigue da Conselleira de Sanidade coa aportación de todos e todas as persoas involucradas do Pobo, Plataforma Sanitaria e veciños que se amplíe o Centro de Saúde, que se poña unha consulta de Odontoloxía, que se poña unha consulta de Fisioterapeuta e sala de recuperación, e que se poña un Médico de garda de Luns a Venres, así como un ATS para os Domingos para o tratamento de curas e outros menesteres.
Tamén queremos recordar o PP que o servicio de Ambulancias que agora queren quitar, foi reclamado e conseguido polos Gobernos de Rivera, así no ano 1998 colocase este servicio en Foz, onde o potenciamos incluso dándolle un local na Casa do Mar por considerar que o servicio significaba estar preto da cidadanía.
Agora resulta que un Alcalde que defende a Consellería vai a tirar por terra todo o conseguido, non estamos de acordo e vamos a pelexar para que as cousas camiñen cara a diante e non cara atrás.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.