Nota de prensa:
A ÁREA DE CULTURA E TURISMO DA DEPUTACIÓN SUFRAGA O ARRANXO DE DOUS CENTROS VECIÑAIS EN SENDAS PARROQUIAS DE RIOTORTO
Os centros veciñais da Órrea e Aldurfe serán arranxados para completar a Rede de Dinamización Sociocultural potenciando a participación e integración social e cultural da veciñanza
Antonio Veiga, Mario Outeiro e Federico Gutiérrez, alcalde de Riotorto, xuntáronse con veciños destas parroquias para presentárenlles os proxectos
RIOTORTO, 12 de setembro de 2011. O vicepresidente mailo delegado de Cultura e Turismo da Deputación, Mario Outeiro e Antonio Veiga, desprazáronse esta tardiña até o Concello de Riotorto, onde, acompañados do alcalde, o nacionalista Federico Gutiérrez, mantiveron un encontro con veciños e veciñas das parroquias da Órrea e Aldurfe, aos que lles explicaron os proxectos que se van levar a cabo para arranxar os centros veciñais destas dúas parroquias, de xeito que poidan pasar a integrarse na Rede de Dinamización Sociocultural do concello e funcionar como lugares de reunión, potenciando a participación e integración social e cultural da veciñanza, e tamén como aulas do patrimonio dedicadas á tradición oral e á emigración. Estas obras, grazas ás que se van arranxar as dúas plantas do centro social da Órrea e o 2º andar do centro social de Aldurfe, serán sufragadas pola Área de Cultura e Turismo da Deputación de Lugo mediante un convenio co Concello de Riotorto.
Os nacionalistas Antonio Veiga e Mario Outeiro coincidiron no sentido das súas declaracións xa que, para o vicepresidente da Deputación, Antonio Veiga “con esta actuación queremos apoiar o gran traballo que se está a realizar desde o Concello de Riotorto á hora de favorecer as dinámicas sociais da poboación do rural, xa que a adecuación destes espazos permiten acadar ás persoas que viven en núcleos dispersos unha meirande autonomía e unha dinámica de intercambio social moi beneficiosa para manter vivo e poboado o noso eido rural”. Mario Outeiro sinalou que “debemos felicitar ao Concello de Riotorto pola posta en marcha da Rede de Dinamización Sociocultural xa que realmente se está a amosar efectiva naquelas parroquias onde xa está implantada e conta cos lugares de reunión veciñal en funcionamento, incidindo nunha mellora da calidade de vida e benestar da veciñanza, ao mesmo tempo que posibilita a posta en marcha de actividades culturais e incluso converterse en centros visitables con valor turístico de cara a coñecer o concello”.
Pola súa banda, o alcalde de Riotorto, o nacionalista Federico Gutiérrez, agradeceu o apoio da Vicepresidencia Primeira da Deputación e a súa Área de Cultura e Turismo polo investimento feito en Riotorto e anunciou que “a antiga escola da Órrea será rehabilitada xa que na actualidade non existe ningún centro veciñal dispoñible na parroquia a través do cal a Rede de Dinamización Sociocultural poida actuar”. “A súa situación xeográfica, distante da capital do Concello, e a súa concentración de unidades veciñais de convivencia, esixen desta parroquia a necesidade de rehabilitación da antiga escola e, neste sentido, preténdese aproveitar o primeiro andar como aula de dinamización e no segundo andar dispoñer unha aula do patrimonio dedicada á emigración, formando así parte da rede de micro-museos do Concello de Riotorto”-afirmou Federico Gutiérrez. Ademais, o alcalde de Riotorto anunciou que tamén se rehabilitará o segundo andar do centro veciñal de Aldurfe. Na actualidade, explicou Federico Gutiérrez “esta antiga escola estase a aproveitar na súa planta baixa como centro de dinamización sociocultural, polo que imos proceder á do segundo piso en aras de convertelo nunha aula de tradición oral, formando así parte da rede de aulas de patrimonio do concello”.
O alcalde de Riotorto, Federico Gutiérrez, concluíu que “vai resultar determinante para o fortalecemento da Rede de Dinamización a ampliación da prestación de servizos e, por outra banda, o aproveitamento das plantas superiores dos centros veciñais como aulas de patrimonio converterán estes centros en entes con identidade propia, consolidándose así como referentes turísticos e culturais do Concello de Riotorto”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
