Ribadeo, 25 de agosto de 2025. Ribadeo recibiu a visita de Miguel Castroviejo, conselleiro de Medio Ambiente da Representación Permanente de España ante a Unión Europea. Xunto a el estiveron o alcalde, Dani Vega, e a tenente de alcalde, Begoña Sanjurjo.
O rexedor contou que “estes días visitounos Miguel Castroviejo, que é o conselleiro de Medio Ambiente da Representación Permanente de España ante a Unión Europea. Foi un encontro realmente positivo, satisfactorio e cun obxectivo moi claro, que é traballar coordinadamente, cunha conexión importante ante a Unión Europea. É unha das persoas que xestiona fondos europeos, unha das persoas que máis controla todo o sistema administrativo europeo, en sí complexo, por iso eu creo que un Concello ten que ter un contacto permanente e unha boa relación coa Unión Europea”.
Vega dixo que “todos os fondos que veñen por parte do Estado ou das Comunidades Autónomas na maioría son financiados ou cofinanciados coa Unión Europea. Hoxe é moi importante xestionar orzamento europeo, entender as claves e saber perfectamente que un Concello ten que xestionar o maior número de orzamento en beneficio do noso municipio”.
O alcalde subliñou que “Ribadeo convértese así no Concello con máis xestión europea. Neste caso estamos a falar de que superaríamos os 8 millóns de euros. Si destacamos a maior inversión, a máis importante, que é a xestión do abastecemento da auga. 8,5 millóns de euros é o custe total e o 60% desa cantidade foron xestionados con fondos europeos. O Life Global, o que quere é protexer todo o espazo natural da praia das Catedrais, son tamén fondos europeos, o Life Fluvial co que pretendemos conservar todo o entorno da ría eliminando plantas exóticas e invasoras, e facendo máis senda tamén”.
Dani Vega considera que “estamos na liña correcta desde o punto de vista da conservación do medio ambiente, pero tamén en inversión fundamental como é o abastecemento da auga, que para min e para moitos é a maior e a mellor obra que se puido xestionar e en breve a Xunta de Galicia a licitará”.
O rexedor declarou: “todo isto foi o que lle explicamos a Miguel Castroviejo e xa lle plantexamos novos retos que agora estamos xa plasmando, iremos tendo reunións con distintos municipios para plantexar un proxecto en beneficio da economía do global e tamén repercutir no noso concello. Esta primeira reunión foi de expoñer o que había feito e a partir de agora plantexar un novo proxecto e empezar a traballar e xestionar”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
