Nota de prensa:
A Escola de Imaxe e Son da Fundación TIC cubre por 3º ano consecutivo as 44 prazas dos seus ciclos superiores
– O Presidente Provincial e o produtor artístico e ex membro de Siniestro Total Segundo Grandío inauguraron o curso académico 2011-2012, para o que se cubriron todas as prazas en xuño
– Besteiro subliñou o esforzo da Deputación por facilitar o máximo acceso ó ensino mantendo por terceiro ano a gratuidade da matrícula, fronte “ós recortes que determinadas administracións aplican á Educación”
– Grandío, ex membro de Siniestro Total e fundador dos estudos Casa de Tolos, compartiu cos alumnos da EIS as súas experiencias nos diversos eidos do sector audiovisual polos que discorre a súa traxectoria profesional
O Presidente da Deputación e da Fundación TIC, José Ramón Gómez Besteiro, e o músico, técnico de son e produtor artístico Segundo Grandío inauguraron este martes o curso académico 2011-2012 da Escola de Imaxe e Son (EIS) de Lugo, que depende do organismo provincial. A EIS, o único centro educativo da provincia que imparte ensinanzas de formación profesional da familia audiovisual, cubriu por terceiro ano consecutivo as 44 prazas que oferta para cursar os ciclos superiores de Realización e Produción de Audiovisuais.
Durante o acto de inauguración do novo curso, Gómez Besteiro subliñou o esforzo que realiza a institución provincial por “facilitar o máximo acceso ó ensino”. Deste xeito, sinalou que fronte “ós recortes que determinadas administracións aplican á Educación, na Deputación conseguimos manter a gratuidade da matrícula da Escola de Imaxe e Son por terceiro ano consecutivo”.
A EIS oferta 44 prazas, 22 para cada un dos módulos, que se cubriron na súa totalidade na convocatoria ordinaria de xuño. O centro imparte 2.000 horas lectivas, distribuídas en dous cursos formativos. O esforzo económico da Fundación TIC reflíctese no incremento da demanda, que foi do 100% no ciclo de Produción e dun 18% no de Realización, con respecto ó 2003, ano no que iniciou a súa actividade. Dende entón, preto de 170 alumnos cursaron os seus estudos no centro da Fundación TIC.
Alto nivel de inserción laboral
Entre os obxectivos prioritarios da Fundación encóntrase facilitar a inserción laboral dos alumnos da EIS, que está a ser moi alto grazas ó nivel de formación que reciben e a posibilidade de realizar prácticas reais. Na actualidade, a TIC mantén contacto con máis de 60 empresas nacionais do sector multimedia e ten asinados convenios de colaboración con ONGS, asociacións culturais e entidades deportivas para difundir o seu labor mediante a realización de proxectos audiovisuais. Esta liña de colaboración permite que os alumnos e titulados da EIS leven a cabo traballos profesionais, a través dun programa de bolsas, que lles faciliten a súa incorporación ó mercado laboral.
A sona adquirida nos últimos anos fai que a demanda de persoas que queren matricularse na EIS transcenda non só os límites da provincia, tamén da comunidade autónoma galega. No centro cursan estudos alumnos procedentes de Valencia e Murcia.
Grandío, cos alumnos
No inicio oficial do curso, o produtor lucense Segundo Grandío quixo achegar ós alumnos da EIS a súas experiencias nos distintos ámbitos do audiovisual, no que desenvolve o seu traballo desde o inicio da súa carreira, no ano 1988, como músico, técnico de son e coprodutor do grupo galego Siniestro Total, ata agora.
Posteriormente, no ano 1999, Grandío fundou os estudos Casa de Tolos, sitos na localidade pontevedresa de Gondomar, nos que desde entón levou a cabo máis de 300 traballos discográficos, na maioría deles facendo apoio visual coa realización de vídeo clips, making of e documentais, ademais da postproducción de audio.
No 2003, o produtor fundou a discográfica PAI Música e a editorial PAI Edicións S.L. Dende o 2005 ata hoxe é o responsable das gravacións musicais do programa da TVG Alalá. Segundo Grandío foi tamén produtor musical do programa Banda Curta e compositor da Banda Sonora Orixinal da película Simbad, da TVG e Ficción Producciones. Na canle galega, dirixe ademais o programa Enrede.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
