Nota de prensa
O BNG DI QUE QUEN PRIVOU AOS VECIÑOS DE BARREIROS DE SERVIZOS FOI O PARTIDO POPULAR POR NON APLICAR A LEI NO CONCELLO E PERMITIR QUE SE CONSTRUÍRA SEN CONTAR CON NINGÚN TIPO DE SERVIZO.
Barreiros, 11 de outubro de 2011. Para o Bloque Nacionalista Galego de Barreiros quedou claro, unha vez máis, que “o Deputado popular José Manuel Balseiro segue a moverse na perigosa senda que discurre entre a mentira e a ignorancia. Só así se poden entender as declaracións que hoxe fixo a respecto do convenio de Barreiros que se discutía no Parlamento Galego.”
“Mentras minte cando declara que o obxectivo principal do convenio é dotar de servizos aos veciños de Barreiros, cando o que se está a garantir con este convenio é unicamente servizos para as grandes urbanizacións, obvia que eses servizos teñen que ser, por lei, asumidos polos promotores e propietarios e non polas institucións. Pode ser que este deputado (que tamén é secretario do Parlamento) descoñeza o articulado da Lei do Solo, algo que sería dificilmente entendible pola opinión pública.”
Polo tanto, os únicos responsables de que, a estas alturas, aínda non exista nin un só servizo en Barreiros son o Partido Popular e o Alcalde de Barreiros; que no seu día non esixiron aos promotores que asumiran os custes de urbanización deses terreos, como están obrigados pola Lei 9/2002.
O feito de que o actual goberno da Xunta desistira dos recursos Contencioso- Administrativos contra 21 licenzas municipais o único que pode supor é que se vaian rematar grandes edificios moito antes de estar executados os servizos; xa que, segundo o propio convenio e no caso de que chegue a facerse efectivo, estes non estarán rematados, como mínimo, ata o ano 2014 ou 2015, tendo en conta que xa se leva un ano de retraso na aplicación orzamentaria das anualidades. Tampouco existe ningunha garantía de que estes servizos poidan realizarse, xa que a estas alturas segue sen saberse de onde vai sacar o Concello de Barreiros os máis de 7 millóns de euros que lle corresponde poñer.
Polo tanto, e como mariñáns, recomendámoslle ao señor Balseiro que se preocupe de manter servizos, como o da ambulancia nocturna, e que na súa acción política se adique a evitar os recortes que o seu partido está facendo en educación, sanidade e servizos públicos en xeral. Esa é a “política real” do PP, a política dos recortes, e o de Barreiros é o seu “urbanismo real”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
