Nota de prensa
JAVIER PARDEIRO: ‘DEMOSTRAREMOS QUE SOMOS UN EQUIPO’
O Burela FS Pescados Rubén ten mañá unha cita coas semifinais da XXI Copa Galicia (pavillón municipal de Lalín, 19.30 horas) para validar por terceiro ano consecutivo o título autonómico, nun encontro no que o conxunto laranxa non só terá que facer fronte ao impoñente nome do Ponte Ourense, senón que tamén terá que medrar ante a mingua de efectivos. No entanto, o que para outros serían adversidades inasumibles, para Javier Pardeiro e as súas xogadoras non son máis que alicientes: “Dobraremos esforzos e demostraremos que somos un equipo; a cohesión do noso grupo xa nos deu a forza necesaria noutras ocasións para conseguir o obxectivo”.
“É evidente que para nós non resulta a mellor data; non chegamos nas mellores condicións, coa ausencia de Jozi, que está disputando o Sudamericano 2011 coa selección brasileira, e a lesión de Peque, coa confirmación dunha escordadura de ligamento cruzado posterior” explicou o estratega burelista.
Pardeiro destacou a condición de favorito do Ponte en todas as quinielas, pero tamén encomiou o traballo e fortaleza das súas xogadoras: “O campión da liga e da supercopa é o candidato por excelencia para estar na final e máis nestas circunstancias, pero nós non damos nada por perdido. Na liga, hai un par de semanas, xa demostramos que podemos facer fronte ao todopoderoso ourensán; fomos superiores na primeira parte, non se oficializou un penalti clarísimo a Peque, que puido decantar o partido, e finalmente o Ponte tivo a sorte de aproveitar un rexeitamento, que caeu nos pés de Ampi, para acabar co 0-1”.
Martes 11 de outubro
19.30 horas: Burela FS Pescados Rubén-Ponte Ourense
21.30 horas: Leis Pontevedra-Cidade das Burgas
Localización: Municipal de Lalín
Mércores 12 de outubro
12.00 horas: FINAL
Localización: Lalín Arena
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
